وقيعا بىلاي بولعان: الدىن الا مالىمەتتەرگە سايكەس, جابىرلەنۋشى الەۋمەتتىك جەلىدە تانىسۋعا ارنالعان ارنا ارقىلى ءبىر قىزبەن سويلەسكەن. حات الماسۋ كەزىندە قىز ونى ءوز ۇيىنە كەزدەسۋگە شاقىرعان. الايدا كورسەتىلگەن مەكەنجايعا كەلگەن كەزدە, پاتەرگە بەلگىسىز ءۇش جىگىت باسا-كوكتەپ كىرىپ, جابىرلەنۋشىنى سىرتقا شىعارىپ, وزدەرىن قىزدىڭ اعاسى رەتىندە تانىستىرىپ, قورقىتىپ اقشا تالاپ ەتكەن.
قورىققان جابىرلەنۋشى تەلەفونىن كۇدىكتىلەردىڭ بىرىنە بەرگەن, ول بانك قوسىمشاسى ارقىلى ءوزىنىڭ شوتىنا اقشا اۋدارىپ العان.
باتىس قازاقستان وبلىسى پوليتسيا دەپارتامەنتىنىڭ ۇيىمداسقان قىلمىسپەن كۇرەس باسقارماسى قىزمەتكەرلەرى وسى وقيعاعا قاتىسقان ادامداردى تۇگەل انىقتادى. قازىر ولار تۇتقىنعا الىنىپ, بوپسالاۋ فاكتىسى بويىنشا قىلمىستىق ءىس قوزعالعان.
جوعارىدا ايتىلعانداي, بەس كۇدىكتىنىڭ تورتەۋى — ورال قالاسىنداعى كوللەدج ستۋدەنتى, ولاردىڭ ءبىرى — سول كەزدەسۋگە شاقىرعان قىزدىڭ ءوزى. پوليتسيا تەرگەۋ جۇمىسىن جالعاستىرىپ جاتىر.
