بوسانعان انالار قانشا جاردەماقى الادى؟

تەك بالا تۋعاندا بەرىلەتىن جاردەماقى تۋرالى ايتار بولساق, بيىل 86,5 مىڭ ادامعا رەسپۋبليكالىق بيۋدجەتتەن بارلىعى 15,6 ملرد تەڭگە قارالعان. وتكەن ناۋرىز ايىندا 4,5 ملرد تەڭگەنى 24,6 مىڭ ادام العان. ال 1,5 جاسقا تولعانعا دەيىن بالا كۇتىمى بويىنشا جاردەماقىمەن 123 مىڭ ادام قامتىلسا, ناۋرىزدا 123 مىڭ ادامعا 3,6 ملرد تەڭگە تولەنگەن.

ەستەرىڭىزگە سالايىق, جاردەماقىعا بالا تۋعان, اسىراپ العان, قامقورلىققا العان بالالارى بار ەل ازاماتتارى, قانداستار, سونداي-اق ەلىمىزدە تۇراقتى تۇراتىن شەتەلدىكتەر ۇمىتكەر بولا الادى.

بالا تۋىنا جانە كۇتىمىنە ارنالعان مەملەكەتتىك جاردەماقىلاردىڭ مولشەرى رەسپۋبليكالىق بيۋدجەت تۋرالى زاڭمەن ءتيىستى قارجى جىلىنا بەكىتىلگەن ايلىق ەسەپتىك كورسەتكىشكە (اەك) بايلانىستى بەلگىلەنەدى. 2025 جىلدىڭ باسىنان مەملەكەتتىك جاردەماقىلاردىڭ مولشەرى 6,5%-عا يندەكستەلگەن.

بالا تۋىنا ارنالعان جاردەماقى مولشەرى:

– ءبىرىنشى, ەكىنشى, ءۇشىنشى بالاعا – 38 اەك نەمەسە 149 416 تەڭگە;

– ءتورتىنشى جانە ودان كەيىنگى بالالارعا – 63 اەك نەمەسە 247 716 تەڭگە.

بالا 1,5 جاسقا تولعانعا دەيىن ونىڭ كۇتىمىنە بايلانىستى تولەنەتىن جاردەماقى اي سايىن كەلەسىدەي مولشەردە تولەنەدى:

– ءبىرىنشى بالاعا – 5,76 اەك نەمەسە 22 648 تەڭگە;

– ەكىنشى بالاعا – 6,81 اەك نەمەسە 26 777 تەڭگە;

– ءۇشىنشى بالاعا – 7,85 اەك نەمەسە 30 866 تەڭگە;

– ءتورتىنشى جانە ودان كەيىنگى بالالارعا – 8,90 اەك نەمەسە 34 995 تەڭگە.