22 ناۋرىز – دۇنيەجۇزىلىك سۋ كۇنى مەن 26 ناۋرىز – ارال تەڭىزى كۇنىنە وراي ۇيىمداستىرىلعان ءىس-شارادا كلۋب جەتەكشىسى, «ەلەكتر ەنەرگەتيكاسى, تەحنوسفەرالىق قاۋىپسىزدىك جانە ەكولوگيا» ءبىلىم بەرۋ باعدارلاماسىنىڭ اعا وقىتۋشىسى سۆەتلانا قوجامبەرديەۆا كلۋب مۇشەلەرىنە سۋ ەكولوگياسى مەن رەسۋرستارىن ءتيىمدى باسقارۋدىڭ ماڭىزدىلىعىن ايتتى.
«قازىر ارالدى قۇتقارۋ باعىتىندا جوسپارلى تۇردە عىلىمي جۇمىستار جۇرگىزىلىپ جاتقانى بەلگىلى. الەم نازارىنداعى ايدىندى ساقتاپ قالۋ ءۇشىن جاستاردى ەكولوگيالىق ماسەلەلەردى شەشۋدە عىلىمي زەرتتەۋلەر جۇرگىزۋگە, جالپى قورشاعان ورتانى قورعاۋعا باۋلۋ باستى مىندەتىمىز»,– دەدى جەتەكشى.
ستۋدەنتتەردىڭ قورشاعان ورتاعا كوزقاراسىن قالىپتاستىرىپ, ەكولوگيالىق مادەنيەتتى دامىتۋعا باۋليتىن كلۋب مۇشەلەرىنىڭ زەرتتەۋ جۇمىستارىن جۇرگىزىپ, ءىس-شارالار ۇيىمداستىرۋى ءۇشىن جاڭعىرتۋدان وتكەن ءدارىسحانا پايدالانۋعا بەرىلىپ وتىر.
كلۋبتىڭ اشىلۋىنا وراي ۇيىمداستىرىلعان ءىس-شارادا قالدىقتاردى قايتا وڭدەۋ, سۋ مەن ەنەرگيانى ۇنەمدەۋ, تابيعات رەسۋرستارىن ساقتاۋعا باعىتتالعان كورمە قويىلدى.
