دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ ۇندەۋى

قۇرمەتتى قازاقستاندىقتار! ءبىز, دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ مۇشەلەرى, ازامات­تىق قوعامنىڭ بارلىق توپتارىنىڭ مۇددەسىن بىلدىرە وتىرا, جەتەكشى سايا­سي كۇشتەردىڭ جانە ۇكىمەتتىك ەمەس ۇيىمداردىڭ اشىق ۇنقاتىسۋىن قامتاماسىز ەتەمىز. كواليتسيا جاقىندا وتكەن پرە­زيدەنتتىك سايلاۋ ناۋقانىندا ەل­باسى ۇسىنعان حالىقتىق بەس رەفورمانى تالقىلاۋعا اسا ءۇل­كەن بەلسەندىلىكپەن اتسالىستى. ءبىز جاڭعىرتۋعا جانە ينستيتۋ­تسيو­نال­دىق رەفورمالاردى جۇرگىزۋگە با­عىت­تالعان ەلباسى باعدارىنا دەگەن وراسان قولداۋدىڭ كۋاسى بولدىق. سايلاۋ قورىتىندىسى رەفورمالار جۇرگىزۋگە تىكەلەي ماندات بەرگەن حالقىمىزدىڭ تۇتاستىعى مەن ازاماتتىق بىرلىگىن كۇللى الەمگە پاش ەتتى. قازاقستان الەمدىك تاجىريبەگە سۇيەنە وتىرىپ, دامۋدىڭ وزىندىك بىرەگەي ستراتەگياسىن ازىرلەدى. اتالعان رەفورمالار ەڭ الدىمەن قاراپايىم قازاقستاندىقتاردىڭ ءال-اۋقاتى مەن ءومىر ساپاسىن ارتتىرۋعا باعىتتالعان. سوندىقتان دا, رەفورمالار شەتەلدىك ساياساتكەرلەر مەن ساراپشىلاردىڭ جوعارى باعاسىنا يە بولىپ وتىر. حالىققا قىزمەت ەتەتىن كاسىبي مەملەكەتتىك اپپارات, اشىق ءارى ەسەپ بەرەتىن مەملەكەت, ءادىل سوت پەن قىزمەتى ايقىن قۇقىقتىق ورگاندار, يندۋستريالاندىرۋ جانە الەۋمەتتىك-ەكونوميكالىق ءوسىم, حالىقتىڭ بىرلىگى مەن تۇتاستىعى – وسىناۋ رەفورمالاردىڭ ارقاي­سى­سىندا ەلىمىزدى ەڭ دامىعان مەم­لەكەتتەردىڭ 30-دىعىنا  قوسۋدىڭ جانە ماڭگىلىك ەل يدەياسىن جۇزەگە اسىرۋدىڭ ينستيتۋتسيونالدىق نەگىزىن قالاۋ كوزدەلگەن. «رەفورمالاردى جۇزەگە اسىرۋ بويىنشا 100 ناقتى قادام» ۇلت جوسپارى جاريالاندى. پرەزيدەنتتىڭ تاپسىرماسىمەن قۇرىلعان جاڭعىرتۋ جونىندەگى ۇلتتىق كوميسسيا ۇلكەن جۇمىستار اتقارۋدا. مەملەكەت باسشىسى اتاپ ايت­قانداي, «رەفورمالار قازاقستان­نىڭ ءاربىر ازاماتىنىڭ تىكەلەي قاتى­سۋىن تالاپ ەتەدى. وڭايعا تۇسپەي­دى, قارسىلىقتار دا بولادى. الاي­دا, رەفورمالار – تەك مەملە­كەتتىك ماشينانىڭ عانا ەمەس, حا­لىقتىڭ ءىسى. رەفورمالاردىڭ ءمانى – ۇلتتى جاڭعىرتۋدا. ۇلتتىڭ ساپاسى, حالىق رۋحىنىڭ كۇشى, ۋاقىت سىن-قاتەرلەرىن قابىلداي ءبىلۋ جانە تەك قانا العا باسۋ بۇرىن دا مەملەكەت تابىسىنىڭ ايقىنداۋشى فاكتورى بولعان جانە بولا بەرەدى». بۇگىن ءبىز, كواليتسيا مۇشەلەرى, جەتەكشى ساياسي پارتيالار جانە ءىرى ۇكىمەتتىك ەمەس بىرلەستىكتەر ۇكىمەت پەن پارلامەنت وكىلدەرىنىڭ جانە ساراپشىلاردىڭ قاتىسۋىمەن «100 ناقتى قادام» ۇلت جوسپارىن تالقىلاي كەلە, ونى جۇزەگە اسىرۋ بويىنشا ناقتى ۇسىنىستار مەن كەڭەستەر بەردىك. تاۋەلسىزدىك جىلدارى حالقىمىز ەلباسىنىڭ باسقارۋىمەن قايتا قۇ­رىلىمداۋ مەن جەڭىستەرگە تولى ۇلكەن كەزەڭنەن ءوتتى. قازاق­ستاندىقتار بولاشاققا دەگەن نىق سەنىممەن ءبىرتۇتاس ۇلت رەتىن­دە نىعايىپ, الەمگە جاڭا قازاق­ستان­دى ايگىلەي وتىرىپ, تابىستى مەملەكەت قۇردى. اۋقىمى وراسان وسى رەفور­مالارعا كىرىسكەن ءدال قازىرگى ساتتە دە ءبىز الداعى ماقساتتارعا قول جەت­كى­زەتىنىمىزگە – قۋاتتى ءارى باسە­كەگە قابىلەتتى قازاقستاندى قۇرا­تى­نى­مىزعا نىق سەنىمدىمىز. ءاربىر قازاقستاندىقتىڭ ەل الدىنداعى ازاماتتىق بورىشىن ءتۇيسىنىپ, بارشاعا ورتاق ءوسىپ-وركەندەۋ جولىندا بارىن سالاتىنىنا كامىل سەنەمىز. كواليتسيا بارشا ازاماتتاردى, بارلىق قوعامدىق كۇشتەردى ەلباسىنىڭ حالىقتىق بەس رەفورماسىن جانە «100 ناقتى قادام» ۇلت جوسپارىن جۇزەگە اسىرۋعا جان-جاقتى اتسالىسۋعا شاقىرادى. بارلىعىمىز كۇش بىرىكتىرگەندە عانا كەلەر ۇرپاقتىڭ بولاشاعى ءۇشىن بارشاعا ارنالعان وسى زامانعى مەملەكەتتى قۇرىپ, قازاقستاندى ءوسىپ-وركەندەگەن ءارى قۋاتتى ەلگە اينالدىرا الامىز! «نۇر وتان» پارتياسى, قازاقستاننىڭ كوممۋنيستىك حالىق پارتياسى, «بىرلىك» پارتياسى, قازاقستاننىڭ پاتريوتتار پارتياسى, «اق جول» دەموكراتيالىق پارتياسى, قازاقستاننىڭ «اۋىل» الەۋمەتتىك-دەموكراتيالىق پارتياسى, قازاقستان حالقى اسسامبلەياسى, «اتامەكەن» ۇلتتىق كاسىپكەرلەر پالاتاسى, «قازاقستاننىڭ ازاماتتىق اليانسى» زاڭدى تۇلعالار بىرلەستىگى, قازاقستاننىڭ كاسىپوداقتار فەدەراتسياسى, «قازاقستان رەسپۋبليكاسى ارداگەرلەر ۇيىمى» قوعامدىق بىرلەستىگى, «بولاشاق» قاۋىمداستىعى, قازاقستاننىڭ كاسىپكەرلەر فورۋمى, مۇگەدەكتەردىڭ «دوس» تاۋەلسىز ءومىر ورتالىعى» قوعامدىق بىرلەستىگى, «قر قارۋلى كۇشتەر ارداگەرلەرى» قوعامدىق بىرلەستىگى, «قر قارۋلى كۇشتەر ارداگەرلەرى» اۋعانستان سوعىسى ارداگەرلەرى ۇيىمدارىنىڭ قاۋىمداستىعى, قازاقستان ىسكەر ايەلدەرى قاۋىمداستىعى, «قازاقستان تۇتىنۋشىلارىنىڭ ۇلتتىق ليگاسى» زاڭدى تۇلعالار بىرلەستىگى, «جاسىل» ەكونوميكا مەن G-GLOBAL-دى دامىتۋ ءۇشىن كواليتسياسى» زاڭدى تۇلعالار بىرلەستىگى, ۇلتتىق عىلىم اكادەمياسى, قازاقستان جازۋشىلار وداعى, كاسىپكەر ايەلدەر وداعى, «رەسپۋبليكالىق ايەلدەر كەڭەسى» قوعامدىق بىرلەستىگى, «قازاقستان-2050» جالپىۇلتتىق قوزعالىسى. 2015 جىلعى 18 ماۋسىم, استانا قالاسى.