اقتاۋدا ورتەنگەن ۇشاق

بۇرناعى كۇنى استانا قالاسىنان كەزەكتى رەيسىن جاساپ, اقتاۋ توپىراعىنا تابان تىرەگەن «SCAT» اۋە كومپانياسىنىڭ «بوينگ» ۇشاعىندا ءورت شىقتى. استانادان كەستەگە ساي ۇشىپ, كەس­تەگە ساي اقتاۋ اۋەجايىنا قونعان ۇشاقتان ەشقانداي تەحنيكالىق اقاۋلار بايقالماعان. ابىروي بول­­­عاندا, سالوننان ءورت شىققان ساتتە ۇشاق بورتىنداعى جولاۋشىلار جەرگە ءتۇسىپ بولعان ەكەن. دەرەكتەر ءورت اتالمىش ۇشاقتى كەزەكتى «مينەرالنىە ۆودى» باعىتىندا ساپارعا شىعارۋ ءۇشىن دايىنداپ, تەحنيكالىق قىزمەت كورسەتۋ جۇمىستارى جۇرگىزىلىپ جاتقاندا تۇتانعاندىعىن ايتادى. سونىمەن قاتار, اقتاۋ حالىقارالىق اۋەجايى ءورت سوندىرۋشىلەرى دەر كەزىندە سوندىرگەن ءورت ۇشاق بورتىندا وتتەگى باللونى جارىلۋ سەبەبىنەن پايدا بولدى دەگەن بولجام ايتىلۋدا. – جولاۋشىلار ۇشاقتان كەستەگە ساي تۇسىرىلگەن سوڭ, وندا تەحنيكالىق قىزمەت كورسەتۋ جۇمىستارى باستال­دى. وسى كەزدە سالوندا ءورت تۇتان­دى. اۆياكومپانيا ونىڭ سەبەبىن انىق­تايتىن بولادى, – دەيدى كومپانيانىڭ جۇرتشىلىقپەن بايلانىس ءبولىمىنىڭ جەتەكشىسى ۆيكتوريا ۋليانوۆا. قازىرگى تاڭدا وقيعا ورنىندا ارناۋلى اۆياتسيالىق كوميتەت جۇمىس جا­ساۋدا, سونداي-اق, «SCAT» اۋە كوم­پانياسىنىڭ ۇشاعىنىڭ ورتكە ورانۋى بويىنشا سوتقا دەيىنگى تەرگەۋ جۇمىستارى باستالعان. عالامتور دەرەكتەرىندە اۋە كولىگى حالىقارالىق قاۋىمداستىعى (ياتا) «SCAT» اۋە كومپانياسىنىڭ قىزمەتىن الەمدەگى ەڭ قاۋىپتى اۋە تاسىمالداۋشىلار وندىعىنا ەنگىزگەندىگى ايتىلۋدا. سوڭعى ءۇش جىل ىشىندە اتالمىش مەكەمەنىڭ ۇشاقتارىنا قاتىستى سەگىز وقيعا تىركەلگەن. اقتاۋ حالىقارالىق اۋەجايىندا ورىن العان وقيعا ەلدىڭ ۇرەيىن ۇشىر­­­عانمەن, ەڭ باستىسى, ادامداردىڭ امان­دىعى دەپ ۇشاقتىڭ جەرگە قونعان سوڭ ورتەنىپ, بورتىنداعى جولاۋشىلاردىڭ ءدىن امان قالعانىنا شۇكىرشىلىك ەتۋدە. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.