فوتو: اشىق دەرەككوز
قارجىلىق مونيتورينگ اگەنتتىگىنىڭ Telegram-داعى رەسمي ارناسىندا جاريالانعان اقپاراتقا سۇيەنسەك, ول كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1,5 ملرد تەڭگەدەن استام قاراجاتتى جىمقىردى دەگەن كۇدىككە ىلىنگەن.
«قايىرىمدىلىقتىڭ نەگىزگى بولىگى قىمبات ءسان بۇيىمدارى مەن جىلجىمايتىن م ۇلىكتى ساتىپ الۋ ماقساتىنا پايدالانىلدى. بيىل كوكتەمدە ول ەلورداداعى اۆتوسالونداردا 88 ملن تەڭگەگە Mercedes-Benz S450, 80 ملن تەڭگەگە Lexus LX-600 جانە 39 ملن تەڭگەگە Haval اۆتوكولىكتەرىن ساتىپ الدى. وسى كەزەڭدە ول جالپى سوماسى 600 ملن تەڭگە بولاتىن ەلوردانىڭ پرەميۋم ساناتتاعى Akbulak Riviera, Highvill Ishim Gold, «كوك جايلاۋ» تك (تۇراق ورىندارىن قوسا العاندا), سونداي-اق Vela Village كوتتەدج قالاشىعىندا جىلجىمايتىن م ۇلىك نىساندارىن ساتىپ العان», دەلىنگەن ۆەدومستۆو حابارلاماسىندا.
سونىمەن قاتار قما وكىلدەرىنىڭ مالىمدەۋىنشە, ەل ازاماتتارىنىڭ قايىرىمدىلىققا جىبەرگەن قاراجات ەسەبىنەن پەريزات ق. دۋباي, دوحا, لوندون جانە ستامبۋلداعى St. Regis, Shangri-La, Palazzo Versace جانە Kempinski سياقتى بەس جۇلدىزدى قوناق ۇيلەردە دەمالعان.
«بۇل ەلدەردە ول Cartier جانە Louis Vuitton سياقتى برەندتەردىڭ قىمبات اكسەسسۋارلارى مەن زەرگەرلىك بۇيىمداردى ساتىپ الىپ, فەشەنەبەلدى مەيرامحانالارعا بارىپ, ياحتالاردى جالداعان.
قىلمىستىق سحەمانى ىسكە اسىرۋ ءۇشىن دوستارى مەن تۋىستارىنا 8 پايىز سىياقى بەرىپ, قوردىڭ اقشاسىن قولما-قول اقشاعا اينالدىرىپ وتىرعان.
وسىلايشا, پەريزات ق. ءوزىنىڭ زاڭسىز ارەكەتتەرىمەن ەرىكتىلەر قوزعالىسىنىڭ بەدەلىنە نۇقسان كەلتىرىپ, ونىڭ اشىقتىق پەن ادالدىق پرينتسيپتەرىنە كۇمان كەلتىردى جانە حالىقتىڭ سەنىپ تاپسىرعان قاراجاتىن تالان-تاراجعا سالعان», دەپ مالىمدەدى اگەنتتىك وكىلدەرى.
كۇدىكتى ۇستالىپ, قاماۋعا الىنعان.
