فوتو: pixabau.com
«2024 جىلعى III توقساندا قازاقستان رەسپۋبليكاسى كولەمىندە ايلىق جالاقىنىڭ ورتاشا ءمانى 2023 جىلعى ءتيىستى توقسانعا قاراعاندا 11,3%-عا ءوسىپ, 390 328 تەڭگەنى قۇرادى. قازاقستان رەسپۋبليكاسىنداعى جالاقىنىڭ مەديانالىق ءمانى باعالاۋ بويىنشا 2024 جىلدىڭ III توقسانىندا 269 378 تەڭگەنى قۇرادى», دەلىنگەن حابارلامادا.
بيۋرو تاراتقان مالىمەتتە وتكەن توقسانمەن سالىستىرعاندا ايلىق جالاقىنىڭ ورتاشا ءمانى 3,2%-عا تومەندەگەن, ناقتى جالاقى يندەكسى 95,3% قۇراعان.
«2023 جىلدىڭ ءتيىستى توقسانىمەن سالىستىرعاندا ورتاشا ايلىق جالاقىنىڭ ەڭ جوعارى ءوسۋى اقپارات جانە بايلانىس ( 28,1 ەسە), قارجى جانە ساقتاندىرۋ قىزمەتى (24,3%-عا), جىلجىمايتىن م ۇلىكپەن وپەراتسيالار ( 18,7%-عا), ونەر, ويىن-ساۋىق جانە دەمالىس (18,0%-عا), سالالارىندا بايقالدى. ونەركاسىپتە ورتاشا ايلىق جالاقى 13,8%-عا, ونىڭ ىشىندە ەلەكتر ەنەرگياسىمەن, گازبەن, بۋمەن, ىستىق سۋمەن جانە اۋانى كونديتسيالاۋمەن جابدىقتاۋ سالاسىندا 20,6%-عا, سۋمەن جابدىقتاۋ, سۋ بۇرۋ, قالدىقتاردى جيناۋ, وڭدەۋ جانە جويۋ, لاستانۋدى جويۋ بويىنشا قىزمەت سالاسىندا 18,3%-عا ءوستى» دەلىنگەن حابارلامادا.
2023 جىلدىڭ ءتيىستى توقسانىمەن سالىستىرعاندا ورتاشا ايلىق جالاقىنىڭ ەڭ تومەنگى ءوسۋى, مەملەكەتتىك باسقارۋ جانە قورعانىس, مىندەتتى الەۋمەتتىك قامسىزداندىرۋ جانە قۇرىلىس سالالارىندا بايقالعان. سالالىق قۇرىلىمدا ەڭ جوعارى اتاۋلى جالاقى تاۋ-كەن ءوندىرۋ ونەركاسىبى جانە كارەرلەردى قازۋدا 2,2 ەسە, قارجى جانە ساقتاندىرۋ قىزمەتىندە 2,1 ەسە, كاسىبي, عىلىمي جانە تەحنيكالىق قىزمەتىندە تيىسىنشە 1,5 ەسە, كولىك جانە جيناقتاۋدا 1,4 ەسە جوعارى بولىپ تىركەلگەن.
