رەسپۋبليكالىق بايقاۋ مەملەكەتتىك ءتىلدىڭ قولدانىس اياسىن كەڭەيتۋ, قازاق ءتىلىنىڭ ەتنوسارالىق قارىم-قاتىناس ءتىلى رەتىندەگى قىزمەتىن نىعايتۋ, مەملەكەتتىك ءتىلدى مەڭگەرگەن قوعامدىق بەلسەندى ازاماتتاردى ىنتالاندىرۋعا باعىتتالدى.
ءىس-شاراعا ەلىمىزدىڭ 16 وڭىرىنەن كەلگەن ءبىلىم بەرۋ سالاسىنىڭ ماماندارى, قازاق ءتىلىن جەتىك مەڭگەرگەن ەتنوس وكىلدەرى قاتىستى.
ءتورت كەزەڭنەن تۇراتىن بايقاۋ بارىسىندا قاتىسۋشىلار قازاق تىلىندە وزدەرىن تانىستىرىپ, قازاق ادەبيەتىنىڭ كلاسسيگى ءىلياس جانسۇگىروۆتىڭ مەرەيتويىنىڭ تاقىرىبىن اشىپ, قويىلعان سۇراقتارعا مازمۇندى جاۋاپ بەردى جانە قازاق تىلىندە ماقال-ماتەل سايىسىندا ءبىر-بىرىنە دەس بەرمەدى.
قوعام قايراتكەرلەرى مەن ءتىل جاناشىرلارىنان, فيلولوگ عالىمداردان قۇرالعان قازىلار القاسى قاتىسۋشىلاردىڭ دايىندىقتارى مەن قازاق ءتىلىن مەڭگەرۋ دەڭگەيىن باعالاي كەلە, كەلەسىدەي شەشىم شىعاردى:
- باس جۇلدە: قاراعاندى وبلىستىق ىشكى ىستەر باسقارماسى «ماملە» قازاق تىلىندە تىلدەسۋ كلۋبىنىڭ مۇعالىمى گوريزانوۆ ۆلاديسلاۆ ۆلاديميروۆيچ;
- ءى ورىن: جەتىسۋ وبلىسى تالدىقورعان قالاسى شوقان ءۋاليحانوۆ اتىنداعى №10 ورتا مەكتەپ-گيمنازياسىنىڭ قازاق ءتىلى مەن ادەبيەتى ءپانى مۇعالىمى سەيتبەكوۆا ناۋرىزگۇل ازيزبەكوۆنا;
- ءىى ورىن: الماتى وبلىسى قاراساي اۋدانى ءا.بايسالباەۆ اتىنداعى ورتا مەكتەپتىڭ اعىلشىن ءتىلى ءپانى مۇعالىمى بۋرسالوۆ كامران مۇرات ۇلى;
- ءىىى ورىن: قىزىلوردا وبلىسى قالجان نۇرماحانوۆ اتىنداعى №95 ورتا مەكتەپتىڭ باستاۋىش سىنىپ مۇعالىمى باركوۆا ناتاليا اندرەەۆنا جانە استانا قالاسى تولەگەن ايبەرگەنوۆ اتىنداعى №16 مەكتەپتىڭ مۇعالىمى ۆيزنوۆيچ ۆيكتوريا يگورەۆنا;
- ىنتالاندىرۋ سىيلىعى: اباي وبلىسى قاراۋىل اۋىلى اباي اتىنداعى مامانداندىرىلعان مەكتەپ-گيمنازيا ينتەرناتى اعىلشىن ءتىلى ءپانىنىڭ مۇعالىمى نيازوۆا ۋمۋت مامەيوۆنا;
- ىنتالاندىرۋ سىيلىعى: تۇركىستان وبلىسى مۇقاعالي ماقاتاەۆ اتىنداعى ورتا مەكتەپتىڭ قازاق ءتىلى جانە ادەبيەتى ءپانى مۇعالىمى راحماتۋللاەۆا ايدىن تاحيروۆنا;
- ىنتالاندىرۋ سىيلىعى: پاۆلودار وبلىسى ۋسپەن اۋدانى «بالدىرعان» بالالار ەستەتيكالىق ورتالىعىنىڭ ادىسكەرى كوليادا ولگا سەرگەەۆنا.
