پاۆلودار. 12 ماۋسىم. ەكىباستۇزدا قالا كۇنى كەڭ كولەمدە تويلاندى. مەرەكە اياسىندا تۇرعىندار جەرگىلىكتى ونەر ۇجىمدارى ۇيىمداستىرعان «مەنىڭ قالامنىڭ بوياۋلارى» اتتى ويىن-ساۋىق باعدارلاماسىن تاماشالادى. بۇل تۋرالى egemen.kz ءتىلشىسى حابارلادى.
«ونەر» قالالىق مادەنيەت ورتالىعىندا وتكەن شارادا «ۋلىبكا» ءۇحا, «دو مي سول» ۆوكالدى توبى, «تۇمار» ىشەكتى اسپاپتار ءانسامبلى جانە «سەرپانتين» سپورت كلۋبى ونەر كورسەتتى. سونداي-اق, ەڭ جاس كورەرمەندەر ءۇشىن «مەنىڭ سۇيىكتى قالام» اتتى اسفالتتا سۋرەت سالۋ بايقاۋى ۇيىمداستىرىلدى.
1957 جىلى بوي كوتەرگەن ەكىباستۇزدا قازىر 150 مىڭنان اسا حالىق تۇرادى. قالا اۋماعىنا قاراستى 30 اۋىلدا تەك 9,4 مىڭ تۇرعىن قالدى. وبلىس ورتالىعىنان 144 شاقىرىم جەردە ورنالاسقان ەلدى مەكەننىڭ ەكونوميكاسىن نەگىزىنەن اۋىر ونەركاسىپ قۇرايدى.
ەكىباستۇزدىقتار الەمگە اتى ءمالىم قالامىز بار دەپ ماقتان ەتەدى. مەرەكەلىك كەش بارىسىندا حيپ-حوپ جانە برەيك-دانس بويىنشا «BREIK PARTY» باتلى ءوتتى. بيشىلەر «Junior 3x3», «Kids 1x1» جانە «ۆ girl» نوميناتسيالارى بويىنشا جارىستى.
فاريدا بىقاي.
دەرەك, سۋرەت: egemen.kz.
