باتىس قازاقستان وبلىسى اكىمىنىڭ ورىنباسارى تاعايىندالدى

ورال. 14 ماۋسىم. باتىس قازاقستان وبلىسىنىڭ اكىمى نۇرلان نوعاەۆتىڭ وكىمىمەن ناريمان تورەعاليەۆ باتىس قازاقستان وبلىسى اكىمىنىڭ ورىنباسارى بولىپ تاعايىندالدى. بۇل تۋرالى egemen.kz ءتىلشىسى حابارلادى. كەشە وبلىس اكتيۆىنىڭ جيىنىندا ءوڭىر باسشىسى وسى كەزگە دەيىن وبلىس اكىمىنىڭ ورىنباسارى بولعان مارات كارىموۆكە اتقارعان قىزمەتى ءۇشىن ريزاشىلىعىن ءبىلدىرىپ, جاڭا ورىنباسارى ناريمان تورەعاليەۆكە ساتتىلىك تىلەدى. وبلىس اكىمىنىڭ ءباسپاسوز قىزمەتىنەن الىنعان مالىمەتكە قاراعاندا, ناريمان تورەعاليەۆ 1964 جىلى سول كەزدەگى ورال وبلىسى, تايپاق اۋدانى, ەسەنساي اۋىلىندا تۋعان. ءبىلىمى جوعارى, 1990 جىلى جامبىل گيدرومەليوراتيۆتىك قۇرىلىس يستيتۋتىن, 2004 جىلى قازاق قوعامدىق ۋنيۆەرسيتەتىن بىتىرگەن. ماماندىعى – ينجەنەر-ەكونوميست, زاڭگەر. ەڭبەك جولىن بۇرىنعى اقجايىق اۋدانىنىڭ «ەسەنساي» كەڭشارىندا 1981 جىلى جۇمىسشى بولىپ باستاعان. ال وسىعان دەيىن, ياعني, 2012 جىلدان بەرى اقجايىق اۋدانىنىڭ اكىمى قىزمەتىن اتقاردى. تەمىر قۇسايىن. دەرەك, سۋرەت: egemen.kz.