قالالىق ىشكى ىستەر باسقارماسىنا وبلىس ورتالىعى تۇرعىنى ۇرىنىڭ ۇيىنە تەرەزەدەن كىرىپ, التىن بۇيىمدارىن, قۇندىز تونىن جانە 300 مىڭ تەڭگە اقشاسىن قولدى ەتكەنى جونىندە ارىزدانىپتى. ارىز بويىنشا جۇرگىزىلگەن جەدەل جۇمىستار ناتيجەسىندە جەدەل ۋاكىلدەر بۇرىن سوتتى بولعان 37 جاستاعى ۇرىنى ۇستاپ, كۇدىكتى باسقارمانىڭ ۋاقىتشا ۇستاۋ يزولياتورىنا قامالدى.
اتالعان دەرەك بويىنشا سوتقا دەيىنگى تەرگەپ-تەكسەرۋ ارەكەتتەرى باستالدى. پوليتسەيلەر پاتەر ۇرلىقتارىنىڭ الدىن الۋ ءۇشىن ۇيگە دابىل قۇرىلعىسىن, بەينەباقىلاۋ جۇيەسىن, تەمىر ەسىك پەن تەرەزەگە تەمىر تور ورناتۋعا كەڭەس بەرەدى.
