جيھاز فابريكاسىنىڭ جەتىستىگى

بىرنەشە بولىمنەن تۇراتىن جيھاز فابريكاسىنىڭ تۇتىنۋشىلارى دا وسال ەمەس. «BI Group», «Bazis-A» سەكىلدى قۇرىلىس كومپانيالارى وسىندا تاپسىرىس بەرەدى. تۇتىنۋشى كوڭىلىنەن شىعۋ ءۇشىن ەڭ جاقسى اعاش ونىمدەرى تاڭدالىپ, برەندتىك تاڭباداعى بوياۋ مەن جاپسىرمالاردى قولدانادى. وندىرىسكە قاجەتتى تاقتاي اعاشتارى, ياعني باستى شيكىزات تا وتاندىق كاسىپورىنداردان الىنادى.

فابريكادا جالپى 130 ادام جۇمىس ىستەيدى. سونىڭ ىشىندە تەحنولوگ, ديزاينەر, مونتاج شەبەرلەرىنىڭ جۇمىسى كوزگە ءبىرىنشى ىلىگەدى. اركىمنىڭ وزىنە بەكىتىلگەن مىندەتى بار. ءبىرى تاقتايدى ولشەيدى, ەكىنشىسى كەسەدى. دايىن ولشەمدەردى قۇراستىرۋ ءۇشىن بەكىتەدى. ءۇشىنشى قىزمەتكەر اعاشتىڭ كەم-كەتىگى بولماۋىنا ەرەكشە نازار اۋدارادى. تسەحتىڭ ءار بولمەسىندە سوڭعى ۇلگىدەگى شەتەلدىك ستانوكتار ورنالاسقان. ولاردىڭ دا اتقارار ءوز مىندەتى بار.

ء«دال قازىر فابريكادا ەكى تسەح جۇمىس ىستەپ تۇر. تاپسىرىس كوبەيگەن جاعدايدا دايىن تۇرعان تسەحتاردى ىسكە قوسامىز. كوبىنە قۇرىلىس كومپانيالارىمەن بىرگە جۇمىس ىستەيمىز. كومپانيالار سالعان جاڭا ۇيلەردىڭ كىرەبەرىسىن ءساندى جيھازدارمەن ارلەي وتىرىپ, تۇرعىنداردىڭ دەمالۋىنا قاجەتتى بارلىق اپارتامەنتتى ورنالاستىرامىز. وسىنىڭ ىشىندە ەڭ اۋقىمدى جوبا – قالاداعى ء«ابۋ دابي پلازا» كەشەنىندەگى 141 پاتەرگە ءبىزدىڭ كومپانيانىڭ ءتۇرلى جيھازى قويىلدى», دەيدى سەرىكتەستىكتىڭ جوبا جەتەكشىسى ەرلان مۋسليمانوۆ.

ەرلاننىڭ سوزىنشە, فابريكا ونىمىنە مەملەكەتتىك ورگاندار, مادەني شارا وتكىزەتىن عي­ما­راتتار, قوناقۇيلەر, باسقا دا ۇلكەن قىزمەت كورسەتۋ ورىندارى تاپسىرىس بەرەدى. ەش­كىمگە ۇقسامايتىن ەرەكشە ديزاينىمەن تانىمال بولعان «اVALON-ك» جيھازىنا تۇرعىن­دار­دىڭ قىزىعۋشىلىعى جوعارى. جالپى, ايىنا 1 مىڭ داناعا دەيىن ءتۇرلى جيھاز جاساۋعا قاۋقارلى فابريكانىڭ ونىمدەرى ەل نارى­عىندا ۇلكەن سۇرانىسقا يە.

«ارينە, تەك ءىرى كومپانيالارعا عانا ەمەس, قاراپايىم تۇتىنۋ­شىلارعا دا قىزمەت كورسەتەمىز. تۇرعىندار كەلىپ, ءوز تالعامىنا ساي تاپسىرىس بەرىپ, قالاعان جيھازىن جاساتىپ جاتادى. ورىندىقتار, قوناق بولمەگە ارنالعان ۇستەل, جازۋ ۇستەلى, اسحانا جيھازى, باسقا دا م ۇلىكتەردى ءبىزدىڭ شەبەرلەر بار ىنتاسىن سالىپ جاساپ بەرەدى.  استانا قالاسىندا ءۇي جيھازدارىن ساتاتىن 4 دۇكەنىمىز بار. كوپشىلىك سوندا بارىپ, ءۇي ىشىنە قاجەتتىسىن تاڭداپ ءجۇر», دەيدى.

ەرلاننىڭ ايتۋىنشا, ەلدەگى اشىلعان ءوندىرىس پەن ونداعى تاۋارلاردىڭ تارالۋى ءۇشىن قولداۋ ءالى دە كوپ كەرەك. پرەزيدەنتتىڭ وتاندىق وندىرۋشىلەرمەن وفتەيك-كەلىسىمشارت ۇلەسىن كەم دەگەندە 10%-عا دەيىن ارتتىرۋ تۋرالى تاپسىرماسى دا بار. وفتەيك-كەلىسىمشارت بولسا ءونىم شىعارۋشى دا ۋايىمعا سالىنبايدى. ويتكەنى بەلگىلى ءبىر مولشەردە تاۋارىن وتكىزۋگە مەملەكەت تاراپىنان كەپىلدەندىرىلگەن قۇجاتى بولادى. ەگەر ەلدەگى كاسىپورىندار شىعارعان تاۋاردىڭ وسىلايشا ساتىپ الۋ ۇدەرىسىن جەڭىلدەتىپ, ساپاسى مەن ۇلەسىن ارتتىرۋ سىندى جۇمىستاردى ءبىر جۇيەگە تۇسىرسە, وندا ەكونوميكالىق كورسەتكىش تە جوعارى بولاتىنى انىق. بۇل – وتاندىق تاۋار وندىرۋشىلەرگە ۇلكەن قولداۋ ءارى سىرت مەملەكەتتەردەن كەلەتىن ءونىمدى كۇتىپ جاۋتاڭدامايتىن بولامىز. قارجى دا سىرتقا كەتپەي وزىمىزدە قالادى, دەپ اعىنان جارىلدى ە.مۋسليمانوۆ.

«مەملەكەت ۇستانعان باعىتتىڭ ءبىرى – وتاندىق ءونىمدى قولداۋ. بىزدە قازىر «CT-KZ» سەرتيفيكاتى بار. بۇل – جەرگىلىكتى ءونىم ەكەنىن دالەلدەيتىن قۇجات. نەگىزىنەن ونىمدەرگە تاپسىرىس ءىرى قۇرىلىس كومپانيالاردان تۇسەتىنىن ايتتىق. بىراق ءالى دە ەلىمىز قىتاي, رەسەي نەمەسە ەۋروپا ەلدەرىنەن كەلەتىن جيھازداردى ساتىپ الىپ ءجۇر. ۇكىمەت وتاندىق ونىمگە كورسەتىلەر قولداۋدى جالعاستىرا تۇسسە, ءبىز دە شەتەلدىك دۇنيەلەرمەن باسەكەلەسە الاتىن, ساپاسى جوعارى ونىمدەردى شىعارۋدى توقتاتپايمىز», دەيدى «اVALON-ك» جيھاز فابري­كاسىنىڭ وكىلى.