فوتو: aktobetour.weebly.com
قازىر جالپى سىيىمدىلىعى 280 ملن تەكشە مەتر بولاتىن قارعالى سۋ قويماسى تاعى 70 ملن تەكشە مەتر سۋ قابىلداي الادى. ەرىگەن قار سۋىن وتكىزۋگە ارنالعان ەكى شليۋز اشىق, ارقايسىسى سەكۋندىنا 100 تەكشە مەتر سۋ جىبەرىپ جاتىر.
نىساندا تاۋلىك بويى كەزەكشىلىك جۇرگىزىلەدى. سۋ جيناۋ, قابىلداۋ جانە وتكىزۋ جونىندەگى دەرەكتەر ساعات سايىن جەرگىلىكتى اتقارۋشى ورگاندارعا جانە توتەنشە جاعدايلار دەپارتامەنتىنە جىبەرىلەدى.
«سۋدىڭ كەلۋىنە دايىن بولۋ كەرەك, سوندىقتان قازىرگى ۋاقىتتا قارعالى سۋ قويماسىنان بارىنشا سۋ جىبەرۋدى قامتاماسىز ەتۋ ماڭىزدى. سونداي-اق سۋدى دۇرىس ءبولۋ ءۇشىن اقتوبە سۋ قويماسىمەن جۇمىستى ۇيلەستىرۋ قاجەت», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
