فوتو: استانا اكىمدىگى
مەرەكە كۇندەرى ورتالىق ساياباقتا پالاۋ ازىرلەنەدى. استانالىقتار ءۇشىن مەرەكەلىك تاعامداردى وزبەكستان, قىرعىزستان, تۇركىمەنستان, تاجىكستان جانە ازەربايجان ەلدەرىنىڭ اسپازدارى دايىندايدى. بۇدان بولەك, XVIII عاسىرلىق تاريحي قازاندا حان سورپاسى ازىرلەنەدى.
مەيرامعا تاجىكستان مەن يران ەلشىلىكتەرى اتسالىسادى. ولار ۇلتتىق ناقىشتاعى كيىز ۇيلەردى بەزەندىرىپ, ءوز مادەنيەتتەرىندەگى ناۋرىزدىڭ ايىرماشىلىعى مەن ەرەكشەلىكتەرى تۋرالى اڭگىمەلەيدى.
مەرەكەلىك شارانىڭ شاقىرىلعان قوناقتارى «بارىس» حوككەي كلۋبىنىڭ جۇلدىزدارى بولماق. ولار كيىز ۇيدە قولتاڭبا تاراتىپ, سپورت سۇيەر قاۋىممەن كەزدەسەدى.
جاپپاي تويلاۋ كەزىندە قوناقتار تاقىرىپتىق فوتو ايماقتاردا, ۇلتتىق كيىز ۇيلەردە باتىرلارمەن, دومبىراشىلارمەن, تازىمەن جانە بۇركىتپەن ەستەلىككە سۋرەتكە تۇسە الادى.
مەرەكە تۇران داڭعىلىنداعى ورتالىق ساياباقتا ساعات 13:00-دە باستالادى.
