فوتو: pixabay.com
بولجام بويىنشا, الداعى تاۋلىكتەردە قازاقستان اۋماعىندا اتموسفەرالىق فرونتالدى بولىكتەردىڭ ءوتۋى سالدارىنان اۋا رايى قولايسىز بولماق. جاۋىن-شاشىن تۇسەدى.
12 ناۋرىز كۇنى قاراعاندى, پاۆلودار وبلىستارىندا جاڭبىر ارالاس قار جاۋادى. 12-13 ناۋرىزدا جەتىسۋ, اباي, شىعىس قازاقستان, تۇركىستان, جامبىل جانە الماتى وبلىستارىندا دا وسى كۇن رايى قايتالانادى. جالپى رەسپۋبليكا تەرريتورياسىندا جەل كۇشەيىپ, تۇمان تۇسەدى, كوكتايعاق بولادى.
«بەلگىلەنگەن مەرزىمدە ەلدىڭ باسىم بولىگىندە تۇنگى ۋاقىتتا اۋا تەمپەراتۋراسى -10, -20 گرادۋسقا دەيىن تومەندەيدى. ەلدىڭ وڭتۇستىگىندە بۇل ۋاقىتتا سىناپ باعاناسى كۇندىز - 2-10 ارالىعىن كورسەتسە, تۇندە تەرمومەترلەر - 2, -12 گرادۋسقا دەيىن تومەندەيدى دەپ بولجانىپ وتىر», دەلىنگەن «قازگيدرومەت» رمك حابارلاماسىندا.
