ءار مەملەكەتتىڭ الەۋمەتتىك-ەكونوميكالىق جاعدايىن ىلگەرىلەتۋشى فاكتور كوپ. سونىڭ ءبىرى – بىلىكتى كادر. اسىرەسە مەملەكەتتىڭ كەز كەلگەن سالاسى جاساندى ينتەلەكتىگە, تسيفرلانۋعا باسىمدىق بەرىلگەن تۇستا ماماننىڭ شيراقتىعى ماڭىزدى. بۇل رەتتە جاستاردىڭ ءرولى ەرەكشە. سەبەبى ولار زاماناۋي ءبىلىم الا وتىرىپ, قاتاردان قالىس قالماۋ ءۇشىن بىلىكتىلىگىن كۇننەن-كۇنگە شىڭداپ وتىراتىن بۋىن. وسى ورايدا جاساندى ينتەللەكتىنى تاجىريبەدە قولدانىپ, وڭ ناتيجەسىن كورسەتىپ جاتقان ازاماتتار بار. جاستار قاناتى دا ءوز ءىس-شارا, جوبالارىن وزىق تەحنولوگيالاردىڭ كومەگىنە جۇگىنىپ, ازاماتتارعا قولجەتىمدى ءارى ىڭعايلى فورماتتا جەتكىزىپ ءجۇر. جاساندى ينتەللەكت ارقىلى ستۋدەنتتەردىڭ, جاس مامانداردىڭ قىزىقتى يدەيالارىن ودان ءارى دامىتۋعا, ۋاقىتتى ءتيىمدى پايدالانۋعا ىقپال ەتىپ كەلەدى.
ماسەلەن, جاستاردى جۇمىسپەن قامتۋعا باعىتتالعان «جاستارعا جۇمىس» جوباسى اياسىندا وتكەن جارمەڭكەدە جاساندى ينتەللەكتى, «ChatGPT»-عا جۇگىندىك. جارمەڭكە بارىسىندا جۇمىس ىزدەگەن ازاماتتار ءوز تۇيىندەمەلەرىن جي ارقىلى تولتىردى. بۇل ۋاقىتتى ءتيىمدى پايدالانۋ مەن قاجەتسىز دۇنيەلەرگە كوڭىل اۋدارۋدان شەكتەيدى.
قازىر الەم وركەنيەتتىڭ جاڭا ساتىسىنا قادام باستى. ەلىمىزدە بولىپ جاتقان ساياسي وزگەرىستەر – جاستارعا وڭ ىقپالىن تيگىزەرىنە سەنىمدىمىز. مەملەكەتپەن قاتار, ءبىز دە جاسامپاز پروگرەسستەرگە قادام باسۋعا, رۋحتاستار تاراپىنان جەمىستى جۇمىس ىستەۋگە دايىنبىز.
اقەركە ەسكەندىروۆا,
«جاستار رۋحى» جاستار قاناتى توراعاسىنىڭ مىندەتىن اتقارۋشى
