وسىعان دەيىن ازاماتتار سالىنعان ايىپپۇلدى ۋاقىتىندا وتەي الماعان جاعدايدا ايىپپۇلدىڭ 25 پايىزعا دەيىنگى سوماسىن جەكە سوت ورىنداۋشىعا تولەۋگە مىندەتتى بولاتىن. ەندى بۇل قىزمەتتى روبوت تەگىن-اق اتقارادى. جاڭا جوبانىڭ ناتيجەسىندە ەل ازاماتتارى 2 ملرد تەڭگەگە جۋىق سومانى ۇنەمدەي الادى.
جۇيە الگوريتمى كەلەسىدەي تارتىپپەن جۇمىس ىستەيدى: الدىمەن باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى 50 كۇن ىشىندە تولەنبەگەن اكىمشىلىك قۇقىق بۇزۋشىلىق ءۇشىن ايىپپۇل سوماسىن ءوندىرىپ الۋ تۋرالى ۇيعارىم جىبەرەدى. بۇدان كەيىن روبوت 5 كۇنتىزبەلىك كۇن ىشىندە تالاپتى ورىنداۋ قاجەتتىگى تۋرالى SMS حابارلاما جونەلتەدى. ءۇشىنشى قادام – ايىپپۇل بويىنشا ەرىكتى تولەم بولماعان جاعدايدا, جۇيە جەكە سوت ورىنداۋشىسىنا ماجبۇرلەپ ورىنداۋعا اتقارۋ پاراعىن ۇسىنادى. ءتورتىنشى قادام – تولەم ۋاقتىلى جۇرگىزىلسە, اتقارۋشىلىق ءىس جۇرگىزۋ ارتىق شىعىنسىز توقتاتىلادى.
جوبا ءساتتى جۇزەگە اساتىن بولسا, ونى تۇتاستاي ەل اۋماعىنا ەنگىزۋ جوسپارلانىپ وتىر.
