اتاپ ايتقاندا, جالپاقتالعا اۋدان مارتەبەسىن قايتارۋ, قاراوزەن وزەنى بويىنداعى ەلدى مەكەندەردى تازا اۋىز سۋمەن قامتاماسىز ەتۋدەگى قيىندىقتار, جالپاقتال سۋ قويماسىن سالۋ ماسەلەلەرى, سونداي-اق كاسىپكەرلىك سالاسىن دامىتۋدى تەجەيتىن ماسەلەلەر ايتىلدى.
«باتىس قازاقستان وبلىسىندا 10 107 زاڭدى تۇلعا تىركەلگەن, ونىڭ ىشىندە 9 775 شاعىن كاسىپورىن بار. مەملەكەت باسشىسى اشىق جانە ءوزىن-ءوزى قامتاماسىز ەتەتىن نارىقتىق ەكونوميكانى قالىپتاستىرۋ نەگىزگى باسىمدىق ەكەنىن اتاپ وتكەن بولاتىن. ەلىمىزدە نارىقتى بەلسەندى يگەرىپ جۇرگەن تابىستى ورتا كاسىپورىندار كوپ ەمەس. پارلامەنت دەپۋتاتتارى ستاتسيونارلىق ساۋدا ورىندارىندا ساتىلاتىن تاۋارلاردىڭ جالپى اسسورتيمەنتىنىڭ 50 پايىز دەڭگەيىندە وتاندىق وندىرۋشىلەردىڭ بۋىپ-ءتۇيۋ ءونىمىنىڭ مىندەتتى ۇلەسىن بەلگىلەۋ تۋرالى تالاپ ەنگىزۋ تۋرالى ۇكىمەتكە ۇسىنىس جىبەردى», دەپ اتاپ ءوتتى ا.وتەعۇلوۆ.
سەناتورلار بوكەي ورداسى مەملەكەتتىك تابيعي قورىعىنىڭ قىزمەتكەرلەرىمەن بىرگە قورىقتىڭ ءتيىستى دەڭگەيدە جابدىقتالماي وتىرعانىن تالقىلادى. اتاپ ايتقاندا, مەكەمە قىزمەتكەرلەرى سەناتورلارعا قورىقتىڭ قاراماعىندا تەحنيكانىڭ جەتىسپەيتىندىگى تۋرالى ايتتى.
سەناتورلار كەزدەسۋ سوڭىندا ايتىلعان باستامالار مەن ەنگىزىلگەن ۇسىنىستار زاڭ شىعارۋ جۇمىسى بارىسىندا ەسكەرىلەتىنىن اتاپ ءوتتى.
