فوتو: اشىق دەرەككوز
جارىلىس باستاپقىدا №48ك3-باتىس لاۆا كومىر ءوندىرۋ ۋچاسكەسىندە ك2 استىنداعى كومىر قاباتىنان شىعاتىن مەتان-اۋا قوسپاسىنىڭ ورنالاسۋىنان بولعانى انىقتالدى, ونىڭ كوزى شاحتا كەنجارى كونۆەيەرىنىڭ جۇمىسىندا مەحانيكالىق وت شىعۋدان بولعان.
بۇل جارىلىس شاحتا وندىرىسىندەگى كومىر شاڭىنىڭ كەزەڭ-كەزەڭمەن جارىلىستارىنا اكەلگەن, سەبەبى ونىڭ كونتسەنتراتسياسى رۇقسات ەتىلگەن نورمالاردان ايتارلىقتاي جوعارى بولعان.
تەرگەۋ بارىسىندا قايعىلى وقيعاعا شاحتانى پايدالانۋ كەزىندە وندىرىستىك جانە ءورت قاۋىپسىزدىگى, سونداي-اق ەڭبەكتى قورعاۋ ەرەجەلەرىن كوپتەگەن بۇزۋشىلىقتارعا جول بەرىلۋى تىكەلەي بايلانىستى ەكەنى انىقتالدى.
قازىرگى ۋاقىتتا كومىر ءوندىرۋ كەزىندە قاۋىپسىزدىك شارالارىن قامتاماسىز ەتپەدى دەگەن كۇدىكپەن قىلمىستىق كودەكستىڭ 277-بابىنىڭ 3-بولىگى (تاۋ-كەن جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ) بويىنشا قىلمىستىق جاۋاپكەرشىلىككە 7 ادامنان تۇراتىن شاحتانىڭ باسشىلىعى مەن ينجەنەرلىك-تەحنيكالىق قۇرامى تارتىلىپ جاتىر.
قىلمىستىق پروتسەستىك كودەكستىڭ 128-بابىنا سايكەس كۇدىكتىلەر قاراعاندى وبلىسىنداعى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.
تەرگەۋ اياسىندا «ارسەلور ميتتال تەمىرتاۋ» اق مەن توتەنشە جاعدايلار مينيسترلىگىنىڭ قاراعاندى وبلىسى بويىنشا ونەركاسىپتىك قاۋىپسىزدىك دەپارتامەنتىنىڭ شاحتانىڭ قاۋىپسىز جۇمىس ىستەۋىنە ءتيىستى باقىلاۋدى قامتاماسىز ەتپەگەن ءتيىستى تۇلعالارىنا دا قۇقىقتىق باعا بەرىلەتىن بولادى.
تەرگەۋ جالعاسىپ جاتىر جانە ەرەكشە باقىلاۋدا تۇر.
