سايىسقا قاتىسىپ جاتقان جاستار – ەلىمىزدىڭ ءار ايماعىنان ۇزدىك شىققان ستۋدەنتتەر. ۆيتسە-پرەمەرگە «كىرپىش قالاۋ», «شاشتاراز», «مەيرامحانا سەرۆيسى» سەكىلدى باعىتتار بويىنشا جارىس ءوتىپ جاتقان الاڭدار كورسەتىلدى.
«قازىر ەلىمىزدە «بارشاعا قولجەتىمدى ساپالى ءبىلىم» اتتى ۇلتتىق بايانداما جوباسى تالقىلانىپ جاتىر. وندا كوللەدجدە بەرىلەتىن ءبىلىم مەن بىلىكتىلىككە كوپ كوڭىل بولىنگەن. تسيفرلىق تەحنولوگيالار قانشا دامىپ جاتسا دا, دانەكەرلەۋشى, سانتەحنيك, تۇرمىستىق تەحنيكانى جوندەۋشىلەر, كولىك مەحانيكتەرى, ت.ب. كاسىبي ماماندارعا سۇرانىس ازايماق ەمەس. بۇل چەمپيوناتتىڭ جاستار اراسىندا وسى ماماندىقتاردى دارىپتەۋدە ماڭىزى زور. جارىستا سىزدەرگە ساتتىلىك تىلەيمىن!», دەدى ت.دۇيسەنوۆا.
وقۋ-اعارتۋ مينيسترلىگى ۇيىمداستىرىپ جاتقان جارىس «ەكسپو» حالىقارالىق كورمە ورتالىعىندا ءوتىپ جاتىر. چەمپيوناتتا اۆتوكولىك جوندەۋ, سانتەحنيك, جىلۋ جەلىلەرى, ەلەكترونيكا, ءموبيلدى روبوتتەحنيكا سىندى 30 ءتۇرلى بىلىكتىلىك بويىنشا ۇزدىكتەر انىقتالادى.
جارىس قورىتىندىسى بويىنشا وزا شاپقان ستۋدەنتتەر كەلەر جىلى فرانتسيادا وتەتىن الەمدىك سايىستا ەل نامىسىن قورعاماق.
