دەپۋتات ورتالىقتىڭ جۇمىسىن ءتيىستى ۇيىمداستىرۋدىڭ جوقتىعى مەن عىلىم جانە جوعارى ءبىلىم مينيسترلىگى تاراپىنان ءتيىستى ۇيلەستىرۋدىڭ بولماۋىنان شەتەلدە كادرلاردى دايارلاۋعا جانە ولاردىڭ بىلىكتىلىگىن ارتتىرۋعا بولىنگەن قاراجات ءتيىمسىز پايدالانىلىپ كەلگەنىن نەمەسە ۇرلاناتىنىن اتاپ ءوتتى. ال بۇل ءوز كەزەگىندە بيۋدجەتتىڭ نەگىزسىز شىعىندارىنا اكەپ سوعادى.
«ستيپەندياتتاردىڭ ەڭبەك ەتۋى مەن ولاردى وقىتۋعا جۇمسالعان بيۋدجەت قارجىسىن وتەۋگە مونيتورينگ جۇرگىزەتىن ءتيىمدى تەتىك جوق. «بولاشاق» تۇلەكتەرى حالىقارالىق بولاشاق ستيپەندياسىن تاعايىنداۋعا ارنالعان ۇمىتكەرلەردى ىرىكتەۋ قاعيدالارىنا سايكەس قازاقستانعا ورالۋ جانە ماماندىعى بويىنشا ۇزدىكسىز ەڭبەك ەتۋ تۋرالى تالاپتاردى ىلعي دا بۇزىپ كەلەدى. وسىنداي 1 مىڭ دەرەك بەلگىلى», دەدى سەناتور.
دەپۋتات سونداي-اق قارجىنى قايتارۋ ماسەلەسىنە پرەمەر-ءمينيستردىڭ نازارىن اۋداردى. سەناتور مىسالعا مەملەكەتكە 6,6 ملرد تەڭگە كولەمىندەگى بەرەشەك تۋرالى ايتىلاتىن ستاتيستيكانى كەلتىردى.
«جوعارىدا اتالعان دەرەكتەر وقىتۋدىڭ ماقساتسىز باعىتتارىن پاش ەتىپ وتىر. شەتەلدە العان ماماندىق پايدالانىلمايدى, جوبا جەكەلەگەن جاعدايلاردا ەميگراتسيا قۇرالىنا اينالدى, 270 تۇلەك شەتەلدە قالدى. جوبا سونىمەن قاتار وقۋ تۋريزمىنە اينالدى. ورتالىق ءىس جۇزىندە ەڭبەك نارىعىنىڭ ناقتى قاجەتىنە سايكەس شەتەلدە ماماندار دايارلاۋدى ۇيىمداستىرۋ دەڭگەيىنىڭ تومەندىگىن كورسەتىپ وتىر. ستراتەگيالىق جانە باعدارلامالىق قۇجاتتاردىڭ بولماۋى, سالالىق مينيسترلىك تاراپىنان ءتيىستى ۇيلەستىرۋدىڭ جوقتىعى وسىنداي جاعدايعا سەبەپ بولىپ تابىلادى», دەدى لۋكين.
