كەيىنگى كەلىپ تۇسكەن مالىمەتتەرگە قاراعاندا, ەلىمىزدە پاتەردى جالعا بەرۋ قۇنى 8 قالادا ارزانداعان كورىنەدى. ساراپشىلاردىڭ سوزىنشە, باعانىڭ بۇل جولعى قۇلدىراۋى قوڭىر كۇزدىڭ باسىندا بايقالىپتى. ال پاتەر جالداۋشىلاردى «كۇيدىرگەن» ىستىق باعا ناعىز اپتاپتى شىلدە-تامىز ايلارىندا سەزىلگەن ەكەن. دەگەنمەن پاۆلودار, ورال, وسكەمەن قالالارىندا كەرىسىنشە ءۇي جالداۋ قۇنى ايتارلىقتاي كوتەرىلىپ تۇر. ەلىمىزدەگى باسپانا جالداۋ قۇنى ەڭ قىمبات قالا رەيتينگىنەن – الماتىنى ەشكىم باسىپ وزا الار ەمەس. وندا ورتاشا العاندا ءار شارشى مەتر 6 مىڭ تەڭگەدەن ەسەپتەلەدى. ال ەڭ ارزان باعا اقتاۋدا تىركەلگەن. شارشى مەترىنە – 2 632 تەڭگە.
مىنە, وسىلايشا, ادام تۇگىلى اگەنتتىكتىڭ ءوزى دە ارالاسا الماي وتىرعان پاتەر جالداۋ قۇنىن نارىق سۇرانىسقا قاراي رەتتەپ جاتىر. ءبىر قىزىعى, نارىق رەتتەگەن بەزبەننىڭ ەكى بەتىندە دە حالىق تۇر. ءبىرى قالاي دا ارزان ءۇي تاپسام دەيدى, ال ەكىنشىسى باعانى قالاي كوتەرۋدىڭ امالىن تاپپاي دال.
