شەتكەرىرەك بوي كوتەرگەن ءبىلىم وشاقتارىنا قاتىناۋ اتا-اناعا دا, بالاعا دا ايتارلىقتاي قيىندىق تۋعىزادى. ال بيۋدجەت قارجىسىن ۇنەمدەيتىن مۇنداي قوسىمشا عيماراتتار ءۇش اۋىسىممەن وقيتىن مەكتەپتەر اۋلاسىنا سالىنىپ وتىر.
ىرگەلى ءبىلىم وشاعى سانالاتىن №101 مەكتەپ-ليتسەي اۋلاسىندا سالىنعان 375 ورىندىق عيماراتتا باستاۋىش سىنىپتار وقيدى. ال ءۇش تىلدە وقىتاتىن دارىندى بالالارعا ارنالعان اباي اتىنداعى مەكتەپكە 550 ورىندىق قوسىمشا عيمارات سالىندى.
جاڭا عيماراتتاردا وقۋ قۇرالدارىن ساقتاۋعا, بالالاردىڭ شىعارماشىلىق دامۋى مەن دەمالۋىنا تولىق جاعداي جاسالعان. بەينەباقىلاۋ, دىبىستىق حابارلاۋ جانە باسقا دا كۇشەيتىلگەن قاۋىپسىزدىك جابدىقتارى ورناتىلىپتى.
وبلىس ورتالىعىنداعى بۇدان باسقا تاعى ەكى مەكتەپتىڭ قوسىمشا عيماراتتارى جاڭا وقۋ جىلىندا بالالاردى قابىلدادى.
قىزىلوردا
