پولشا – ورتالىق جانە شىعىس ەۋروپا ەلدەرى اراسىندا قازاقستاننىڭ جەتەكشى سىرتقى ەكونوميكالىق ارىپتەستەرىنىڭ ءبىرى. 2022 جىلى ءوزارا ساۋدا كولەمى – 1,36 ملرد دوللار, ونىڭ ىشىندە قازاقستاندىق ەكسپورت – 771 ملن, پولشادان يمپورت 587,5 ملن دوللاردى قۇراعان. پولشادان ەل ەكونوميكاسىنا تىكەلەي ينۆەستيتسيالاردىڭ جالپى اعىنى – 75 ملن دوللار. بۇگىندە قازاقستاندا 100-دەن استام پولياك كومپانياسى جۇمىس ىستەيدى.
فورۋمنىڭ ماقساتى – قازاقستان مەن پولشا اراسىنداعى ساۋدا-ەكونوميكالىق, ينۆەستيتسيالىق ىنتىماقتاستىقتى جانداندىرۋ, ەكى ەلدىڭ ىسكەر سەرىكتەستەرى اراسىندا قولدانىستاعى جانە جاڭا تىكەلەي بايلانىستاردى نىعايتۋ. شارا اياسىندا ءبىزدىڭ دەلەگاتسيا پولياك كومپانيالارىمەن بىرقاتار ەكىجاقتى كەزدەسۋلەر وتكىزدى. پولشانىڭ ونەركاسىپتىك دامۋ اگەنتتىگىمەن كەزدەسۋ بارىسىندا مەتال-
لۋرگيا, تاۋ-كەن جانە ماشينا جاساۋ ونەركاسىبى, توقىما وندىرىسىندەگى ىنتىماقتاستىق ماسەلەلەرى تالقىلاندى.
پولشانىڭ ونەركاسىپتىك دامۋ اگەنتتىگى – 100 پايىز مەملەكەتتىك باسقارۋشى حولدينگ جانە ونەركاسىپتى دامىتۋ ينستيتۋتى. كومپانيا ەلدىڭ نەگىزگى ونەركاسىپتىك كاسىپورىندارىنىڭ اكتسيالارىن باسقارادى (90-نان استام ءىرى پولياك ونەركاسىپتىك كومپانيالارى).
فورۋم بارىسىندا اسىرەسە, ماشينا جاساۋ سالاسى كەڭىرەك تالقىلاندى. «ساۋدا جانە ونەركاسىپ سەكتورىنداعى ىنتىماقتاستىق الەۋەتى» پانەلدىك سەسسياسى اياسىندا قازاقستان ماشينا جاساۋشىلار وداعىنىڭ باسقارما توراعاسى مەيرام پىشەمباەۆ وتاندىق ماشينا جاساۋ سالاسىنىڭ دامۋى تۋرالى ايتىپ بەردى.
«2022 جىلدىڭ قورىتىندىسى بويىنشا سالاداعى ءوندىرىس كولەمى 9 پايىزعا ۇلعايدى. نەگىزگى كاپيتالعا سالىنعان ينۆەستيتسيالار 10 پايىزعا ءوسىپ, 258 ملن دوللاردى قۇرادى. ماشينا جاساۋ ءونىمىنىڭ ەكسپورتى 2 ەسە ارتىپ, اقشالاي ماندە 3,8 ملرد دوللار بولدى», دەدى م.پىشەمباەۆ.
بۇدان بولەك, وتاندىق IT-كومپانيالار مەن ۇيىمدار ءۇشىن سybersecurity, fintech, biotech, medtech, agrotech, software, deep tech, robotic, gaming, AI سالالارىندا پولياك سەرىكتەستەرىمەن B2B كەزدەسۋلەر ۇيىمداستىرىلدى, سونداي-اق ينۆەستورلار الدىندا IT جانە High tech جوبالارىن تانىستىرۋ جانە ۆوركشوپتار مەن اقپاراتتىق سەسسيالارعا قاتىسۋ مۇمكىندىگى بەرىلدى.
