وقيعا ورنىنا توتەنشە جاعدايلار ءمينيسترى سىرىم ءشارىپحانوۆ باردى. سونداي-اق تج ءمينيسترى سىرىم ءشارىپحانوۆتىڭ تاپسىرماسى بويىنشا اقمولا جانە قاراعاندى وبلىستارىنىڭ تجد كۇشتەرى مەن قۇرالدارىنىڭ قوسىمشا توبى بارا جاتىر.
ءورتتى سوندىرۋگە استانا قالاسى تجد جەكە قۇرامىنان 158 ادام مەن 33 بىرلىك تەحنيكا, سونداي-اق قالا اكىمدىگى مەن استانا ورمانى تەحنيكاسى جۇمىلدىرىلدى. ءورتتى ءسوندىرۋ ءۇشىن قورعانىس مينيسترلىگىنىڭ ەكى مي-17 تىكۇشاعى تارتىلدى.
ءورت ءسوندىرۋ شتابى قۇرىلدى. تۇرعىن ۇيلەر مەن ورمان القاپتارىنا قاۋىپ جوق.
توتەنشە جاعدايلار مينيسترلىگى تۇرعىندارعا ەسكەرتۋ جاسادى.
«قۇرمەتتى تۇرعىندار, قىراعىلىق تانىتىپ, كەلەسى ساقتىق شارالارىن ساقتاۋلارىڭىزدى سۇرايمىز:
تجد جانە باسقا دا سەنىمدى كوزدەردىڭ ۇسىنىستارىن ورىنداڭىز.
ەگەر ءسىز سىرتتا بولساڭىز, تۇتىننەن قورعايتىن ماسكا كيگەن دۇرىس.
ءتۇتىننىڭ بولمەگە ەنۋىنە جول بەرمەۋ ءۇشىن تەرەزەلەر مەن ەسىكتەردى جابىڭىز», دەلىنگەن حابارلامادا.
