قىرعىز رەسپۋبليكاسى ەلىمىزگە سۋ جىبەرۋدى ەداۋىر قىسقارتتى

استانا. 10 شىلدە. قىرعىز جاعى ەلىمىزگە باراتىن ەگىس سۋارۋعا ارنالعان سۋ كولەمىن ەكى ەسەگە دەيىن قىسقارتتى. بۇل تۋرالى Tengrinews.kz حابارلادى. قىرعىز ەلىنىڭ سۋ شارۋاشىلىعى باسقارماسىنان الىنعان مالىمەتكە قاراعاندا, رەسپۋبليكانىڭ سۋ قويمالارىندا ەگىس القاپتارىنا دەپ جينالعان سۋدىڭ بۇگىندە 70 پايىزعا جۋىعى ماقساتسىز جۇمسالىپ قويعان. كورشى ەلدىڭ ۆيتسە-پرەمەر-ءمينيسترى تايىربەك سارپاشەۆ سۋدىڭ ءتيىمسىز جۇمسالعانىنا كىنالى شەنەۋنىكتەردى قىزمەتىنەن بوساتام دەپ قاتۋلانىپتى. سەبەبى, بيشكەك پەن شۋ وبلىسىندا ەگىسكە كەرەكتى سۋدىڭ تاپشىلىعى سەزىلە باستاعان. ونىڭ ۇستىنە بيىل سۋدىڭ از بولۋى دا كەرى اسەرىن تيگىزۋدە. مىنە, وسى سەبەپتەرگە بايلانىستى قىرعىز ەلىنەن قازاقستانعا جىبەرىلۋى ءتيىس سۋدىڭ كولەمىن بۇدان ارتىق كوبەيتۋ مۇمكىن ەمەس كورىنەدى. جالپى, ۇكىمەتارالىق كەلىسىم بويىنشا قىرعىزستان ءبىزدىڭ ەلگە سەكۋندىنا 35 تەكشەمەتر كولەمىندە سۋ جىبەرىپ تۇرۋعا مىندەتتى. بىراق كورشى مەملەكەتتەن قازىر سەكۋندىنا 20 تەكشەمەترگە جۋىق قانا سۋ كەلىپ تۇر ەكەن. نۇرباي ەلمۇراتوۆ. دەرەككوز: Tengrinews.kz. فوتو: Tengrinews.kz.