كۋرەرلەر مەن تاكسي جۇرگىزۋشىلەرى قارجى مينيسترلىگىنىڭ پيلوتتىق جوباسى اياسىندا 1 شىلدەدەن باستاپ سالىق تولەيتىن بولادى. پيلوتتىق جوباعا قاتىسۋ مىندەتتى ەمەس. ازىرگە قاتىسقىسى كەلەتىندەر عانا قاتىسا الادى. قاتىسۋ ءۇشىن جەكە كاسىپكەر رەتىندە تىركەلىپ, ونلاين-پلاتفورماعا ءتيىستى قۇجاتتاردى ۇسىنۋ قاجەت.
وپەراتورلار اي سايىن جارتى جىلدىق تابىستىڭ 1 پايىزىن الىپ وتىرادى.
«وپەراتور جەكە كاسىپكەردىڭ شەشىمى بويىنشا قاراجاتتى ۇستاۋ بويىنشا مىندەتتەمەلەردى ورىنداۋ بولىگىندە سالىق اگەنتى بولىپ تانىلادى. پيلوتتىق جوباعا قاتىسۋشىلار ءۇشىن مىندەتتى زەينەتاقى جارنالارى مەن الەۋمەتتىك اۋدارىمدارعا سالىق تولەۋ جەكە كاسىپكەردىڭ تابىسى بولىپ سانالادى. مىندەتتى الەۋمەتتىك مەديتسينالىق ساقتاندىرۋعا اۋدارىمدارعا سالىق سالۋ وبەكتىسى ەڭ تومەنگى جالاقىنىڭ 1,4 ەسەلەنگەن مولشەرىندەگى كىرىسى بولادى», دەپ ءتۇسىندىردى قارجى مينيسترلىگىنىڭ ءباسپاسوز قىزمەتى.
