كولىكتەگى كەمشىلىكتى كەمىتۋ – قاۋىپسىزدىك كەپىلى

قاي كولىكتىڭ بولسا دا ادام­عا اكەلەر اپاتى از ەمەس. وسى كولىكتەردى پايدالانۋ ءۇشىن ونىڭ اينالاسىندا ءجۇر­گەن جولاۋشىلارعا تيگىزەر كەلەڭ­سىزدىگى دە جەتىپ ارتىلادى. اسىرەسە, تەمىرجول, اۋە كولىكتەرىندە ورىن الاتىن قاۋىپتەردىڭ الدىن الۋ وتە ماڭىزدى ەكەنى تۇسىنىكتى. ال بۇل ورايدا ادامداردىڭ قاۋىپسىزدىگىن قامتاماسىز ەتەتىن, ءتۇرلى كەلەڭسىزدىكتەردەن قورعايتىن كولىكتەگى ىشكى ىستەر دەپارتامەنتىنىڭ قىزمەتى ايرىقشا باعالاناتىنى انىق. سوندىقتان, بۇل اتالعان كولىكتەردە ءجۇرۋ قاۋىپسىز بولسىن دەسەك, وندا ورىن الىپ وتىرعان كەمشىلىكتەردى دە جويۋعا دەر كەزىندە نازار اۋدارعان ءجون, دەيدى ولار. بۇل وزەكتى ماسەلەگە كولىكتەگى ءىىد جانىنداعى قوعامدىق كەڭەس ۇنەمى كوڭىل ءبولىپ كەلەدى. قوعامدىق كەڭەستىڭ توراعاسى, پارلامەنت ءماجىلىسىنىڭ دەپۋتاتى سەرىك وسپانوۆ ادامداردىڭ قاۋىپسىزدىگىن ساقتاۋ ماسەلەسىنە قاشاندا مۇقيات قاراعان ءجون دەيدى. ال كولىكتەگى ءىىد باستىعى, پوليتسيا پولكوۆنيگى بەرىك بيسەنقۇلوۆ: «قوعامدىق كەڭەس قۇرىلعاننان بەرگى ۋاقىتتا ءوزىنىڭ تيىمدىلىگىن دالەلدەدى. ەڭ باس­تىسى, پوليتسەيلەر مەن ازاماتتار اراسىنداعى بايلانىستى نىعايتۋعا ۇلەس قوستى», – دەپ اعىنان جارىلادى. سونداي-اق, بەرىك بايبول ۇلى پرەزيدەنت ن.نازارباەۆتىڭ قازاقستان حالقىنا ارناعان جولداۋىنداعى باستى مىندەتتەرمەن ەلباسىنىڭ ىشكى ىستەر ورگاندارى سالاسى قىز­مەتكەرلەرىنىڭ الدىنا قوي­عان تاپسىرمالارىنىڭ ورىندا­لۋى, ەڭ الدىمەن, ادامدار­دىڭ قاۋىپسىزدىگىنەن باستاۋ الاتى­نىن ايتادى. بۇل ورايدا, دەپارتامەنت باستىعىنىڭ ورىنباسارى, پوليتسيا پولكوۆنيگى جاناتبەك ەشىموۆ اتاپ وتكەندەي, تەمىر­­جول جانە اۋە كولىگى نىساندارى­نا قاتىستى بىرقاتار پروبلەما­لىق ماسەلەلەر بار ەكەنىن جاسىرۋ­عا استە بولمايدى. ويتكەنى, ەلىمىزدىڭ تەمىرجول ۆوكزالدارى مەن اۋەجايلارىندا ارنايى جانە قۇقىق قورعاۋ ورگاندارى جۇرگىزگەن تاجىريبە­لەر ازامات­تاردى لاڭكەستىك ارەكەتتەردەن قور­عاۋ شارالارىن ءالى دە بولسا كۇشەي­تۋ قاجەتتىگىن دالەلدەپ وتىر. ماسەلەن, استانا, الماتى, اقتاۋ, اتىراۋ, اقتوبە, قاراعاندى قالالارىنداعى اۋەجايلاردا ورناتىلعان بەينە-باقىلاۋ كامەرالارى ءتيىستى تالاپتارعا ساي ورنالاستىرىلعانىمەن, بالقاش, پەتروپاۆل, سەمەي, كوكشەتاۋ قالالارىنداعى اۋەجايلار بەينە-باقىلاۋ جۇيەلەرىمەن تولىقتاي جابدىقتالماعان. ولاردىڭ قاۋىپ توندىرەتىن اۋماقتاردى شولۋ مۇمكىندىگى شەكتەۋلى. سول سياقتى جاڭادان سالىنىپ جاتقان تەمىرجول اۋماق­تارىندا كولىك پوليتسەيلەرىن ورنالاستىرۋ ماسەلەلەرىن شەشۋ ءىسى وزەكتى بولىپ وتىر. مۇنداي اۋماقتاردا جەلىلىك پوليتسيا بولىنىستەرىنىڭ قىزمەتكەرلەرى ءۇشىن ارنايى قىزمەتتىك بولمەلەر قاراستىرىلماعان. ايتالىق, جۇكتەردى ساق­تاۋدى قامتاماسىز ەتۋ, جەكە م ۇلىكتەردى ۇرلاۋدىڭ الدىن الۋ جانە قوعامدىق قاۋىپسىزدىكتى قورعاۋ ماقساتىندا التىنكول ستانساسىندا قۇرامىندا 25 قىزمەتكەر بار جەلىلىك پوليتسيا ءبولىمى قۇرىلدى. وكىنىشكە وراي, التىنكول ستانساسىنداعى تەمىر­جول ۆوكزالىنداعى جەلىلىك پوليتسيا بولىمىنە كولەمى 12 شارشى مەتر عانا بولاتىن بولمە بەرىلگەن. بۇل ورىن قىزمەتكەرلەردى ورنالاستىرۋعا جەتكىلىكسىز. وسىنداي ولقىلىقتاردىڭ الدىن الۋ ماقساتىندا قۇرىلىسى جۇرگىزىلىپ جاتقان «وزەن –بولاشاق, جەزقازعان – سەكسەۋىل – شالقار – بەينەۋ» تەمىرجولى بويىنداعى ستانسالارعا كولىك­تەگى ىشكى ىستەر ورگاندارىنىڭ جۇمىسىن ۇيىمداستىرۋ ءۇشىن قىزمەتتىك ورىن مەن پوليتسەيلەرگە باسپانا بەرۋ ماسەلەسىن دە قاراستىرۋ قاجەت كورىنەدى. بۇل ورايدا قوعامدىق كەڭەس قىزمەتىنىڭ ماقساتى – قوعامدىق ءتارتىپتى ساقتاۋ تيىمدىلىگىن ارت­تىرۋ جانە قوعامدىق قاۋىپسىز­دىكتى قامتاماسىز ەتۋ, قۇقىق بۇزۋ­شىلىقتىڭ الدىن الۋ, كولىكتەگى ءىىد-ءنىڭ ۇكىمەتتىك ەمەس ۇيىمدارمەن جانە حالىقپەن ءوزارا قارىم-قاتىناسىن ودان ءارى جەتىلدىرۋ, قۇقىق قورعاۋ قىزمەتى سالاسىندا قوعامدىق قاتىناستاردى دەموكراتيالاندىرۋ ارقىلى اۋقىمدى ىستەردى جۇزەگە اسىرۋعا دەم بەرەتىندىگىن ەستەن شىعارماعان ءجون. ويتكەنى, اتالعان كولىك نىساندارىنداعى كەمشىلىكتەردى جويۋ – قاۋىپسىزدىك كەپىلى. الەكساندر تاسبولاتوۆ, «ەگەمەن قازاقستان».