«نۇر سۇڭقاردىڭ» سۇڭقارلارى انىقتالدى

بايلانىس جانە اقپارات قىزمەتكەرلەرى كۇنى قارساڭىندا ەلوردادا Astana Music Hall مەيرامحاناسىندا جىل سايىنعى ءداس­تۇرلى «نۇر سۇڭقار» رەسپۋبليكالىق باي­قاۋىنىڭ جەڭىمپازدارىن ماراپاتتاۋ سال­تا­ناتى بولدى. اتالعان شارا «نۇر وتان» پارتياسى مەن بايلانىس جانە اقپا­رات اگەنتتىگىنىڭ ۇيىمداستىرۋىمەن وتكىزىلدى. شارانىڭ اشىلۋ سالتاناتىندا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك باق وكىلدەرىن كاسىبي مەرەكەلەرىمەن قۇتتىقتاپ, بيىلعى جىلعى «نۇر سۇڭقار» سىيلىعىنا دەگەن ىقىلاستىڭ زور بولعانىن جەتكىزدى. «بۇگىنگى تاڭدا بىردە-ءبىر تاريحي شەشىم مەن بىردە-ءبىر رەفورمانىڭ باق-تا ناسيحاتتالىپ, تالقىلاۋىنسىز جۇزەگە اسۋى مۇمكىن ەمەس. «نۇر وتان» پارتياسىنىڭ ساياسي دوكتريناسىندا «جاۋاپتى ازاماتتىق قوعام» مەملەكەتتىڭ دەموكراتيالىق دامۋىنىڭ فاكتورى رەتىندە بەلگىلەنگەن. ءبىز ازاماتتىق باستامالاردىڭ دامۋى, قوعامدىق بىرلەستىكتەردىڭ كەڭ ماعىناداعى ۇنقاتىسۋى, قوعامدىق باقىلاۋدى نىعايتۋ ءۇشىن جاعداي جاساۋىمىز قاجەت», دەدى ب.بايبەك. ءوز كەزەگىندە ءسوز العان بايلانىس جانە اقپارات اگەنتتىگىنىڭ ءتورا­عاسى اسقار جۇماعاليەۆ: «سوڭ­عى ون جىل ىشىندە قازاقستان مەديانارىعىندا بىرنەشە وڭ وزگەرىستەر بولىپ جاتىر: ءبىز ساندىق ەفيرلىك تەلەديداردى ىسكە قوسۋدامىز, وتاندىق تەلەارنالارىمىزدا ءوز ونىمدەرىمىزدىڭ باعدارلامالارى كوبەيۋدە. ءار جاڭا كەزەڭ سايىن بۇقارالىق اقپارات قۇرالدارىنىڭ اۋديتورياسى تارتىمدى بولا تۇسۋدە. سوندىقتان دا قازاقستاندىق مەديا ءارى قاراي دا باسەكەگە قابىلەتتىلىگىن دامىتىپ, كونتەنتىنىڭ ساپاسىن ارتتىرا ءتۇسۋى كەرەك», دەدى. سونىمەن, «نۇر سۇڭقاردىڭ» جەتى اتالىمى بويىنشا جەڭىم­پازدارىنا كەلەيىك. «ءسوز شە­بەرى» اتالىمىندا ەڭ ۇزدىك گازەت ءجۋرناليسى بولىپ قازاق باس­پاسوزىنىڭ قاراشاڭىراعى – رەس­پۋبليكالىق «ەگەمەن قا­زاق­ستان» گازەتىنىڭ شولۋشىسى سۇلەيمەن مامەت تانىلدى. «ەرەك­شە پىكىر» نوميناتسياسىندا «جەتىنشى كانال» تەلەارناسىنىڭ «درۋگيمي سلوۆامي» ساراپتامالىق قورى­تىندى باعدارلاماسىنىڭ ءجۇر­گىزۋشىسى مايا بەكباەۆا ەڭ ۇزدىك تەلەۆيزيالىق جۋرناليست اتانسا, «مەديا-پروفي» اتالى­مىندا «Bnews.kz» اقپارات اگەنت­تىگىنىڭ باس رەداكتورى انار باز­مۋحامەتوۆا ەڭ ۇزدىك اقپارات اگەنتتىگى ءجۋرناليسى بولدى. سون­داي-اق, «ايماق اينالىمى» اتالىمىندا ەڭ ۇزدىك وڭىرلىك ءتىلشى رەتىندە «ايقىن» گازەتى رۋحانيات, الەۋمەت ءبولىمىنىڭ رەداكتورى گۇلزينا بەكتاستىڭ باعى جانسا, «كوزقاراس» اتالىمى بويىنشا وركەن كەنجەبەك پەن ياكوۆ فەدوروۆ ەڭ ۇزدىك بلوگەرلەر اتاندى. ال «قازاقستاندىق جۋرناليستيكاعا قوسقان ۇلەسى ءۇشىن» اتالىمىندا «قازاقستان» رترك» اق باسقارما ءتورايىمى نۇرجان مۇحامەدجانوۆا, «پار­تيا قىزمەتى تۋرالى ەڭ ۇزدىك ماتەريالى ءۇشىن» نوميناتسياسىندا «حابار» تەلەارناسىنىڭ شەف-رەداكتورى جانە «جەتى كۇن» باعدارلاماسىنىڭ جۇرگىزۋشىسى ولگا تسوي جەڭىمپازدار لەگىن قورىتىندىلادى. بۇل جەڭىم­پاز­داردىڭ بارلىعىنا دا 1 ميلليون تەڭگە كولەمىندە اقشالاي سىيلىقتار بەرىلدى. بيىلعى جىلى ەلىمىزدىڭ بار­لىق ايماعىنان «نۇر سۇڭقار» باي­قاۋىنا قاتىسۋعا نيەت ءبىل­دىرگەن 221 ءوتىنىش كەلىپ تۇسكەن. بايقاۋعا ەلباسى, «نۇر وتان» پارتياسىنىڭ توراعاسى نۇر­سۇلتان نازارباەۆ قويعان ءمىن­دەتتەردىڭ جۇزەگە اسىرىلۋىن, «قازاقستان-2050» سترا­تە­گيا­سىنىڭ باسىمدىقتارى مەن «نۇر وتان» پارتياسى دوك­ترينا­سىنىڭ قاعيدالارىن, سون­داي-اق, پارتيالىق باستامالاردى جان-جاقتى كورسەتكەن ەڭبەكتەر قا­بىل­دانعان. ءابدىراحمان قىدىربەك, «ەگەمەن قازاقستان».