«جالاۋ مىڭباي ۇلىنىڭ ەرلىگى تۋرالى كوپ ايتۋعا بولادى. ول قىرعىز اۆتونوميالىق رەسپۋبليكاسىنىڭ اتقارۋشى كوميتەتىنىڭ باسشىسى رەتىندە اۆتونوميالىق رەسپۋبليكاعا ەلىمىزدىڭ «قازاق رەسپۋبليكاسى» دەگەن ءتول اتاۋىن قايتاردى. پارتيامىزدىڭ ساياسي باعدارلامادا ءدال وسىنداي تالاپ بار. ءبىز ونى رەسمي تۇردە 2019 جىلى پارلامەنت مىنبەرىندە اشىق تۇردە ايتتىق. ءبىزدىڭ پىكىرىمىزشە, تاۋەلسىز مەملەكەتتىڭ اتاۋى جەرگە ەمەس, ەلدىڭ اتىنا بايلانىستى بولۋ كەرەك, ياعني قازاق رەسپۋبليكاسى. ول كەزدە ۇكىمەت ونى قولدامادى, بىراق ءبىز ەرتە مە, كەش پە سوعان كەلەمىز. ول تاريحي ادىلەتتىلىك دەپ سانايمىز», دەدى ا.پەرۋاشەۆ جينالعان قاۋىم الدىندا.
پارتيا ليدەرى, سونىمەن قاتار «اقجولدىڭ» ساياسي باعدارلاماسىن تانىستىرىپ, اتقارعان جۇمىستار تۋرالى باياندادى.
ء«بىز سوڭعى رەت پارلامەنتتە 12-اق دەپۋتات بولدىق, 107 دەپۋتاتتىڭ اراسىندا. داۋىس بەرگەن كەزدە وتە ماڭىزدى ماسەلەلەردە ازشىلىقتا قالساق تا, باستامالارىمىز 10 جىل, كەيدە 7-8 جىل وتكەن سوڭ دا ىسكە اسىپ جاتىر. وسىندايدا ءاليحان بوكەيحاننىڭ ء«تىرى بولسام, قازاق حالقىنا قىزمەت قىلماي قويمايمىن» دەگەن ءسوزى ەسكە تۇسەدى», دەدى پارتيا توراعاسى.
جيىن بارىسىندا ءسوز العان پارتيا توراعاسىنىڭ ورىنباسارى قازىبەك يسا «اقجولدىڭ» وزگەلەردەن ەرەكشەلىگىن اتاپ ءوتتى.
«قاسيەتتى ماڭعىستاۋ ولكەسىنە – ءپىر بەكەت باستاعان 362 اۋليەنىڭ ەلىنە, ۇشقياننىڭ جەرىنە تابانىمىز ءتيىپ تۇر. قارت كاسپيدىڭ جاعاسىندا ەر جالاۋدىڭ ەسكەرتكىشىنە تاعزىم ەتتىك. «اق جول» پارتياسىنىڭ باسقا پارتيالاردان, باسقا قوعامدىق ۇيىمداردان ايرىقشا ەرەكشەلىگى ۇلتتىق مۇددەنى قورعايتىن «الاش» يدەياسىن تۋ ەتىپ ۇستاپ, ۇلتتىق يدەيا رەتىندە ۇستاپ ۇلتتىق مۇددەمىزدى قورعاپ كەلە جاتقان پارتيا ەكەنىن بىلەسىزدەر. ۇلتتىق يدەولوگيانى تۋ ەتىپ ۇستاعان پارتيا بولعاندىقتان, بيىل سايلاۋدىڭ جورىعىن التىن وردانىڭ اتاسى, قازاق حاندارىنىڭ باباسى – جوشى حاننان, قاسيەتتى ۇلىتاۋدان باستادىق. ەندى قاسيەتتى ماڭعىستاۋ ەلىنە دە تابانىمىز ءتيدى», دەدى ول.
ودان كەيىن شتاب مۇشەلەرى قامقور-ماشزاۆود كاسىپورنىنىڭ جۇمىسىمەن تانىسىپ, ەڭبەك ۇجىمىمەن كەزدەستى.
