سپيكەرلەر دارىگەرلەردى پارتيانىڭ سايلاۋالدى باعدارلاماسىمەن تانىستىردى. وندا پارتيا وكىلدەرى قحپ دارىگەرلەردىڭ مارتەبەسىن كوتەرۋدى كوزدەيتىنىن, سونىمەن قاتار قولجەتىمدى جانە تەگىن ءدارى-دارمەكتى حالىققا ۇلەستىرۋ قاجەتتىگىن اتاپ ءوتتى. سونداي-اق ولار مەديتسينا قىزمەتكەرلەرى لايىقتى جالاقى الۋعا ءتيىس ەكەنىن تىلگە تيەك ەتتى. پارتيا وكىلدەرى ۇجىمعا 19 ناۋرىزدا وتەتىن سايلاۋدىڭ ماڭىزدىلىعىن ايتىپ, سايلاۋ قۇقىقتارىن پايدالانۋعا شاقىردى.
ءوز كەزەگىندە دارىگەرلەر ەلىمىزدە 3 مىڭنان استام ادام ترانسپلانتاتسيالاۋ كەزەگىندە تۇرعانىن جەتكىزدى. مۇنىڭ كوبى 35-45 جاس ارالىعىنداعى ناۋقاستار ەكەنى ايتىلدى. «قازاقستاندا اعزا دونورلىعىن دامىتۋدىڭ نەگىزگى پروبلەمالارى جەتەرلىك. ەڭ باستىسى, بۇل باعىتتا زاڭنامالىق وزگەرىستەر مەن اقپاراتتىق جۇمىستار قاجەت», دەدى ولار.
ال پارلامەنت ءماجىلىسى دەپۋتاتتىعىنا كانديدات گاۋحار تاناشەۆا سولتۇستىك قازاقستان وبلىسىنىڭ قىزىلجار اۋدانىنا قاراستى بايتەرەك اۋىلىنىڭ تۇرعىندارىمەن كەزدەستى.
ء«بىز ايەلدەر 58 جاستا زەينەتكە شىعۋ كەرەك دەگەن قوزعالىستى قولداپ, ميتينگىلەرگە قاتىستىق. ناتيجەسىندە, ايەلدەردىڭ زەينەتكە شىعۋىن 61 جاستان ۇلعايتپاۋ جونىندە 5 جىلدىق موراتوري جاريالاندى. ءبىز ايەلدەردىڭ قۇقىعىن پارلامەنتتە قورعايمىز», دەدى گاۋحار تاناشەۆا.
حالىق پارتياسى اۋىر, زياندى نەمەسە قاۋىپتى جۇمىستاردا ىستەيتىن قىزمەتكەرلەردى 50-55 جاستان زەينەتكە شىعارۋدى تالاپ ەتەدى.
كەزدەسۋدە دەنساۋلىق سالاسىنداعى وزەكتى ماسەلەلەر كوتەرىلدى. ەلىمىزدەگى جۇمىسسىزدىققا بايلانىستى كوپتەگەن ازامات ءمامس تولەۋگە قاۋقارسىز. وسىنىڭ سالدارىنان كوپ ادامدار مەديتسينالىق كومەكتى الا الماي وتىر. سونداي-اق مەملەكەتتىك ساقتاندىرۋ كوپبالالى, ەرەكشە قامقورلىقتى قاجەت ەتەتىن بالاسى بار جانە تولىق ەمەس وتباسىنداعى انالارعا اسا قاجەت.
حالىق پارتياسى اۋىلدىق ايماقتاردى دامىتۋ باعدارلاماسى شەڭبەرىندە اۋىلدىق جەرلەردە كوپبالالى وتباسىلار ءۇشىن تەگىن تۇرعىن ءۇي سالۋدىڭ مەملەكەتتىك باعدارلاماسىن ازىرلەۋدى ۇسىنىپ وتىر.
