اماناتتىقتار پارتيا الداعى بەس جىلدا شاعىن جانە ورتا بيزنەستى قولداۋعا كوپ كوڭىل بولەتىن جەتكىزدى. سونداي-اق ۇمىتكەرلەر سايلاۋشىلاردى تولعاندىرعان تۇيتكىلدى ماسەلەلەرگە قۇلاق ءتۇرىپ, پارتيانىڭ سايلاۋالدى باعدارلاماسىمەن تانىستىردى.
«شىمكەنتتە 107 مىڭنان استام كاسىپكەرلىك سۋبەكتىسى بار. وندا وزدەرىڭىز سياقتى 190 مىڭعا جۋىق ادام جۇمىس ىستەيدى. «Amanat» پارتياسىنىڭ باقىلاۋىمەن 1,2 مىڭ شاعىن جانە ورتا بيزنەس وكىلىن قولداۋعا جىل سايىن بولىنەتىن قاراجاتتى پايدالانۋدىڭ تيىمدىلىگىن قاداعالايمىز. 2023-2027 جىلدارى ءوز ءىسىن باستايمىن دەگەن ازاماتتارعا جەڭىلدەتىلگەن نەسيە مەن گرانتتىڭ اشىق جانە ءادىل بولىنۋىنە اتسالىسامىز», دەدى شىمكەنت قالالىق ءماسليحاتىنىڭ دەپۋتاتتىعىنان ۇمىتكەر جانار بەكتاەۆا.
سونداي-اق «Amanat» پارتياسىنىڭ رەسپۋبليكالىق سايلاۋالدى شتابىندا Talqylau ديالوگ الاڭىنىڭ كەزەكتى وتىرىسىندا سپيكەرلەر ەڭبەك نارىعىنىڭ ەرتەڭىن, وڭىرلەردە كادر ساياساتىنا قاتىستى جۇيەلى جۇمىس جۇرگىزىلمەيتىنىن, جاستار اراسىنداعى جۇمىسسىزدىق ماسەلەسىن تالقىلادى.
پارلامەنت ءماجىلىسىنىڭ دەپۋتاتتىعىنا كانديدات ەكاتەرينا سمىشلياەۆا «Amanat» پارتياسىنىڭ سايلاۋالدى باعدارلاماسىندا قامتىلعان جۇمىسسىزدىق ماسەلەسىن شەشۋ, ەڭبەك قاۋىپسىزدىگى جانە ونىڭ قورعالۋى قاعيدالارىن قاتاڭداتۋ, «جۇمىس ىستەپ تۇرعان كەدەيلىك» قۇبىلىسىن جويۋ, ت.ب. شارالاردى تالدادى.
ءوز كەزەگىندە پارلامەنت ءماجىلىسىنىڭ دەپۋتاتتىعىنا كانديدات دينارا سادۋاقاسوۆا بالالار مەن جاسوسپىرىمدەردى ەڭبەككە باۋلۋ ماسەلەسىن قوزعادى. ونىڭ ايتۋىنشا, سايلاۋالدى ۋادەلەردى ىسكە اسىرۋ اياسىندا ەلىمىزدەگى مەكتەپتەر وتباسىلىق قۇندىلىقتاردى, ەڭبەكقورلىقتى, ءبىلىم الۋعا دەگەن قۇشتارلىقتى جانە ءپاتريوتيزمدى قولداپ, دامىتادى. مەكتەپ ۇرپاق تاربيەسىنە قاتىستى جاۋاپكەرشىلىكتى ءبولىسىپ, بالالارىمىزدى قۇرداستارى مەن ەرەسەكتەردىڭ الىمجەتتىگىنەن قورعايدى.
زاڭگەر اسەت ءداۋىتوۆ فراكتسيانىڭ بولاشاق شاقىرىلىم دەپۋتاتتارى قاراستىراتىن ەڭبەك زاڭناماسىن جەتىلدىرۋ ماسەلەسى جونىندە ءوز ۇسىنىسىن ءبىلدىردى. ەسكە سالا كەتەيىك, Talqylau الاڭىندا ازاماتتاردى تولعاندىرعان وزەكتى ماسەلەلەردى شەشۋ بويىنشا ۇسىنىستار ازىرلەنەدى.
