«باتىس ەۋروپا-باتىس قىتاي» ءاۆتودالiزi 2015 جىلى پايدالانۋعا بەرiلەدi

استانا. 25 ماۋسىم. كولىك جانە كوممۋنيكاتسيا ءمينيسترى جەڭىس قاسىمبەك «باتىس ەۋروپا-باتىس قىتاي» كولىك ءدالىزىنىڭ ەلىمىزدەگى ۋچاسكەسى 2015 جىلدىڭ سوڭىنا دەيىن اشىلادى دەپ مالىمدەدى. بۇل تۋرالى primeminister.kz حابارلادى. ورتالىق كوممۋنيكاتسيالار قىزمەتىندە وتكەن بريفينگتە جەڭىس قاسىمبەك: «بيىل 6 مىڭ كيلومەتر جول جوندەۋ كوردى. ارينە, سونىڭ ىشىندە «باتىس ەۋروپا-باتىس قىتاي» كولىك ءدالىزىن ەرەكشە اتاپ ءوتۋ كەرەك. جالپى ۇزىندىعى 2452 كيلومەتر بولاتىن جولدىڭ 1727 كيلومەترى پايدالانۋعا بەرىلدى. بيىل شىمكەنتتەن رەسەي شەكاراسىنا دەيىنگى جانە تولىقتاي جامبىل وبلىسىنا كىرەتىن ايماقتاعى جول پايدالانۋعا بەرىلەدى. ال كەلەر جىلى جوبانى تولىقتاي اياقتاۋ جوسپارلانعان», – دەدى. بۇدان وزگە, مينيستر 2013 جىلدان باستاپ الماتى مەن استانانى جالعايتىن جاڭا اۆتوكولىك ءدالىزىن دامىتۋ جۇمىستارى جۇرگىزىلىپ جاتقانىن, استانا-تەمىرتاۋ مەن الماتى-قاپشاعاي ۋچاسكىلەرىن قالپىنا كەلتىرۋ ءىسى جوسپاردا تۇرعانىن جەتكىزدى. جولدىباي بازار. دەرەككوز: primeminister.kz. فوتو: aikyn.kz.