پارلامەنتارالىق بايلانىستار جايى قارالدى

پارلامەنت سەناتىنىڭ توراعاسى قاسىم-جومارت توقاەۆ قازاقستانعا رەسمي ساپارمەن كەلگەن يوردان حاشيميت كورولدىگى پارلامەنتى سەناتىنىڭ توراعاسى ابدۋر-راۋف سالەم راۋابدەمەن كەلىسسوز جۇرگىزدى, دەپ حابارلادى سەناتتىڭ ءباسپاسوز قىزمەتى. جوعارى مارتەبەلى مەيمانمەن كەزدەسۋ كەزىندە ق.توقاەۆ بۇل ساپار ەكىجاقتى ىنتىماقتاستىققا جاڭا سەرپىن بەرەتىنىنە جانە پارلامەنتارالىق بايلانىستاردى نىعايتا تۇسەتىنىنە سەنىم ءبىلدىردى. جۇزدەسۋشىلەر ەكى ەلدىڭ دوستىق جانە ءوزارا ءتيىمدى قاتىناستارىن دامىتۋداعى قازاقستان پرەزيدەنتى نۇرسۇلتان نازارباەۆ پەن يوردانيا كورولى ابداللا II-ءنىڭ ەرەكشە ءرولىن اتاپ وتە كەلىپ, وعان يوردان مونارحىنىڭ تاياۋداعى استاناعا ساپارى دالەل ەكەنىن ايتتى. تاراپتار پارلامەنتارالىق بايلانىستاردى نىعايتۋعا ۋاعد­الاستى, ول ءۇشىن قازاقستان مەن يوردانيا سە­نات­تارىندا پار­لامەنتارالىق دوستىق توپتارى جەتەكشىلەرىنىڭ كەڭەسۋلەرى بولادى. قازاقستان پارلامەنتى جوعارى پالا­تاسىنىڭ توراعاسى الەمدەگى دامىعان 30 ەلدىڭ قاتارىنا كىرۋدى كوزدەيتىن «قا­زاقستان-2050» دامۋ ستراتەگياسى تۋرا­لى اڭگىمەلەدى. «قازاقستان بۇگىنگى تاڭدا تابيعي بايلىقتاردىڭ عانا ەمەس, ەڭ الدىمەن, پرەزيدەنت ن.نازارباەۆ ۇدايى جۇرگىزىپ كە­لە جاتقان جۇيەلى رەفور­مالار­دىڭ ارقاسىندا بۇرىنعى كەڭەس­تىك كەڭىستىكتەگى ەڭ دامى­عان ەلدەردىڭ ءبىرى بولىپ تانىل­دى»,  دەدى ق.توقاەۆ. ول قازاق­ستان باسشىسىنىڭ اتىنا ام­مان قالاسىندا كوشە بەرگەنى ءۇشىن يوردانيا تاراپىنا ريزا­شى­لىعىن ءبىلدىردى. سەنات باسشىسى قازاقستان پار­­لا­مەنتىنىڭ قۇرىلىمى جانە قىزمەتىمەن, ەلىمىزدىڭ سىرتقى ساياساتىمەن, سونداي-اق, ورتالىق ازياداعى احۋالمەن تانىس­تىردى. يوردانيا سەناتىنىڭ توراعاسى ءوز كەزەگىندە سوڭعى جىلداردا ءوزىنىڭ ەلىندە جۇزەگە اسىرىلىپ جاتقان ساياسي رەفورمالار جانە ادامي كاپيتالدى دامىتۋ شارالارى, مەديتسينالىق تۋريزم سالاسىنداعى يوردانيا جەتىستىكتەرى تۋرالى اڭگىمەلەدى. ول, سونداي-اق, تاياۋ شىعىستاعى جاعداي جانە جاقىن ەلدەردەگى قاقتىعىستار مەن داعدارىستاردى باستان كەشكەن بوسقىنداردىڭ اعىلۋىنا بايلانىستى يوردانياداعى گۋمانيتارلىق احۋال تۋرالى ويلارىن ورتاعا سالدى. ونىڭ ايتۋىنشا, كوشى-قون  سالدارىنان ەل حالقىنىڭ 20 پايىزى شاماسىن كوشىپ-قونۋشىلار قۇراپ وتىر. كەزدەسۋ قورىتىندىسى بويىنشا جۋرناليستەرمەن كەزدەسۋدە ابدۋر-راۋف سالەم راۋابدە ءوزىنىڭ ساپارى تۋرالى اسەرلەرىمەن ءبولىستى. «ءبىز بۇرىن قازاقستان تۋرالى كىتاپتاردان وقىپ, بۇقارالىق اقپارات قۇرالدارىنان بىلگەن بولساق, بۇگىن سىزدەردىڭ ەلدەرىڭىزدىڭ جەتىستىكتەرىن كوزبەن كوردىك ءارى جوعارى باعالاپ وتىرمىز. سىزدەر قازىرگى زامانداعى مەملەكەت قۇرا الدىڭىزدار جانە قورشاعان ورتامەن ىزگى نيەتتى قارىم-قاتىناستار ورناتا الدىڭىزدىر. ونىڭ ءبارى پرەزيدەنت ن.نازارباەۆتىڭ دانا باسشىلىعىنىڭ, ۇكىمەتتىڭ جانە قازاقستاننىڭ قاراپايىم حالقىنىڭ كۇش-جىگەرىنىڭ ارقاسىندا جاسالدى», دەدى ول. ونىڭ ايتۋىنشا, «يوردانيا قازاقستاندى ەۋروپا مەن ازيانىڭ قاقپاسى رەتىندە قاراستىرادى, ءدال سول سياقتى قازاقستان دا يوردانيانى تاياۋ شىعىس ايماعىنىڭ قاقپاسى رەتىندە قاراستىرا الادى». يوردانيا پارلامەنتى دەلەگاتسياسىنىڭ ساپارى 27 ماۋسىمعا دەيىن سوزىلادى. ساپار بارىسىندا استانا, الماتى جانە بۋرابايدا كەزدەسۋلەر مەن شارالارعا قاتىسۋ كوزدەلگەن.