كەزدەسۋ بارىسىندا سپيكەرلەر پارتيانىڭ سايلاۋالدى باعدارلاماسىمەن تانىستىردى.
– قازاقستان حالىق پارتياسى سوتسيال-دەموكراتيالىق باعىتتاعى ساياسي كۇش رەتىندە ەڭبەك ادامىنىڭ قۇقىقتارىن قورعايدى جانە ەل ازاماتتارىنىڭ باسىم كوپشىلىگىنىڭ مۇددەسىن بىلدىرەدى. وزدەرىڭىز بايقاعانداي, پارتيا – ادامزات ءۇشىن اسىل قۇندىلىق دەنساۋلىق پەن ءبىلىمدى تەگىن ەتۋدى تالاپ ەتىپ وتىرعان نەگىزگى ساياسي كۇش. بارلىق دەڭگەيدەگى اكىمدەردى تىكەلەي داۋىس بەرۋ ارقىلى حالىق سايلاۋى كەرەك, مىندەتىن لايىقتى اتقارا الماعان جاعدايدا كەرى قايتارۋعا قۇزىرەتى بولۋعا ءتيىس. ءبىر سوزبەن ايتقاندا, بيلىك حالىقتىڭ قولىندا بولۋى كەرەك. ال حالىق پارتياسى ء«ادىل پرەزيدەنت – ىقپالدى پارلامەنت – حالىقتىق ۇكىمەت» قۇرامىن ۇسىنىپ وتىر, – دەدى ح.كوشقاليەۆ.
ءوز سوزىندە ح.كوشقاليەۆ پرەزيدەنت ق.توقاەۆتىڭ رەفورمالارى ادىلەتتى قوعام قۇرۋدىڭ العىشارتى ەكەنىن اتاپ ءوتتى.
– رەفورمالاردىڭ تۇپكى ماقساتى – ادام مەن ازامات, ونىڭ قۇقىعى مەن بوستاندىعى بارلىعىنان جوعارى تۇراتىن ناعىز حالىقتىق مەملەكەت قۇرۋ. وسى ورايدا «كونستيتۋتسيانىڭ 3-بابىنا سايكەس مەملەكەتتىك بيلىكتىڭ بىردەن-ءبىر باستاۋى – حالىق. ول ءتيىستى وكىلەتتىكتەردى بەرە وتىرىپ, بيلىكتىڭ زاڭ شىعارۋشى, اتقارۋشى جانە سوت بيلىگى سىندى 3 تارماعىن قالىپتاستىرادى, – دەدى كانديدات.
ونىڭ ايتۋىنشا, بارلىق دەڭگەيدەگى ءماسليحاتتار اتقارۋشى بيلىكتەن تاۋەلسىز جۇمىس ىستەپ, دەربەس قارجىلاندىرىلۋى, عيماراتى مەن مۇلكى بولۋى كەرەك. بۇل ءۇشىن رەسپۋبليكالىق بيۋدجەتكە وزگەرىس ەنگىزۋ قاجەت. اكىمدەر جەرگىلىكتى ماسليحاتتارعا تولىق ەسەپ بەرۋگە ءتيىس. باسقوسۋ بارىسىندا الداعى سايلاۋدىڭ ادىلەتتى ءوتۋىنىڭ بىردەن-ءبىر سەبەبى – داۋىستاردىڭ ۇرلانباۋى دەپ ءتۇسىندىردى كانديدات:
– ول ءۇشىن سايلاۋشىلاردىڭ ساۋساق ءىزىن قولدانۋ ارقىلى سايلاۋ داۋىسىن بۇرمالاۋدىڭ الدىن الۋ ەڭ ءتيىمدى شەشىمى بولىپ سانالادى. تەك وسىلاي عانا ءبىز حالىقتىڭ ادىلدىككە دەگەن سەنىمىن قايتارامىز, – دەدى ول.
