اڭگىمەلەسۋ بارىسىندا ءا. باقاەۆ سۇحباتتاسۋشىنى ەلىمىزدە جۇرگىزىلىپ جاتقان ساياسي جانە الەۋمەتتىك-ەكونوميكالىق جاڭعىرتۋدىڭ, سونداي-اق 2023 جىلعى ناۋرىز ايىندا وتەتىن كەزەكتەن تىس پارلامەنتتىك سايلاۋ تۋرالى حاباردار ەتتى. بۇل تۇرعىدا قازاقستان ءوز دامۋىنىڭ جاڭا داۋىرىنە قادام باسقاندىعى, ەلىمىزدە سەرپىندى جانە جان-جاقتى جاڭارتۋ پروتسەسى ءجۇرىپ جاتقانى اتاپ ءوتىلدى. قر پارلامەنتى ماجىلىسىنە سايلاۋ قوعامداعى وزگەرىستەردى بەينەلەيدى جانە ساياسي جۇيەمىزدى ودان ءارى مودەرنيزاتسيالاۋعا قۋاتتى سەرپىن بەرەدى. سايلاۋعا بايقاۋشى رەتىندە اۋستريا وكىلدەرى, ونىڭ ىشىندە ەقىۇ پارلامەنتتىك اسسامبلەياسى جەلىسى بويىنشا بايقاۋشىلاردىڭ قاتىسۋى كۇتىلۋدە.
سونىمەن بىرگە تاراپتار قازاقستان-اۋستريا قاتىناستارىنىڭ جاي-كۇيى مەن پەرسپەكتيۆالارىن تالقىلادى. وسىعان بايلانىستى مەملەكەتتەرىمىز اراسىنداعى ەكىجاقتى بايلانىستاردى كەڭەيتۋگە جانە تەرەڭدەتۋگە جاڭا سەرپىن بەرەتىن اسا جوعارى دەڭگەيدەگى ءوزارا ساپارلاردىڭ ماڭىزدىلىعى نازارعا الىندى.
