جاقىندا «Respublica» پارتياسىنىڭ توراعالارى مەن كانديداتتارى تاراز قالاسىنا باردى. مۇندا جەرگىلىكتى كاسىپكەرلەر, ءتۇرلى سالاداعى كومپانيالاردىڭ ەڭبەك ۇجىمدارىمەن كەزدەسۋلەر ءوتتى. كوپشىلىكتىڭ الدىندا پارتيا توراعاسى ايداربەك قوجانازاروۆ, تەڭ توراعا سىرىمبەك تاۋ, ءماجىلىس دەپۋتاتتىعىنا كانديداتتار – قۋانىش شونباي, قىرمىزى جاندوسوۆا, ەكاتەرينا سمولياكوۆا, اسەل داكەن, ولجاس بولاتبەك ۇلى جانە باقىتبەك حاميت ءسوز سويلەدى. ولار پارتيا باعدارلاماسىمەن تانىستىرىپ, «ەلدە نەنى وزگەرتۋ قاجەت؟» دەگەن ساۋالدى تالقىلادى.
«راس, ءبىزدىڭ ساياساتتا تاجىريبەمىز جوق. بىراق ۋادە بەرىپ, كەيىن ونى ورىنداماي قالۋدان تاجىريبەمىز جوق. سىزدەرگە بەرەتىن جالعىز ۋادەمىز مىناۋ: ءسىز «Respublica» پارتياسىنان تەك شىندىقتى ەستيسىز, كەيدە بۇل شىندىق اششى بولۋى مۇمكىن», دەدى ا.قوجانازاروۆ.
ەكاتەرينا سمولياكوۆا ادامدارعا وزگەرىستەرگە ءۇمىت سىيلايتىن جاڭا پارتيا قۇرعانى ءۇشىن ارىپتەستەرىنە العىس ايتتى. «مەن – قازاق ءتىلى مەن ادەبيەتى ءپانىنىڭ مۇعالىمىمىن. جاستارمەن جۇمىس ىستەۋدە
10 جىلدان استام تاجىريبەم بار. ەكى بالانىڭ اناسىمىن. بالالارىمنىڭ بولاشاعىن وزىمە ۇلگى بولاتىن ادامدارعا سەنىمدى تۇردە تاپسىرعىم كەلەدى, سول ءۇشىن دە وسى پارتيانىڭ قاتارىنا قوسىلىپ, وزگەرىستەرگە اتسالىسپاقپىن», دەدى ە.سمولياكوۆا.
پارتيانىڭ تەڭ توراعاسى سىرىمبەك تاۋ قازاقستاندا اۋقىمدى رەفورمالار جۇرگىزىلۋ كەرەكتىگىن ايتتى. ەڭ الدىمەن, قارىزعا بەلشەسىنەن باتقان ەل ازاماتتارىنىڭ جاعدايىن جاقسارتۋعا باسا نازار اۋدارۋ كەرەك. ول ەل تۇرعىندارىنىڭ, ءتىپتى ازىق-ت ۇلىك الۋ ءۇشىن دە نەسيە الاتىنىنا قىنجىلدى.
ال الماتى وبلىسىنىڭ كەربۇلاق اۋدانىندا وتكەن كەزدەسۋدە پارتيانىڭ تەڭ توراعاسى, ءماجىلىس دەپۋتاتتىعىنا كانديدات دينارا شۇكىجانوۆا: «قازىرگى سايلاۋ كەزەڭى ەلىمىز ءۇشىن ەرەكشە, ويتكەنى كوپ جىلداردان بەرى العاش رەت جاڭا پارتيالار تىركەلىپ, ساياسي ناۋقانعا بەلسەندى تۇردە قاتىسىپ جاتىر. ءبىز – «Respublica» پارتياسى, بيزنەس وكىلدەرى, ساياسي ارەناعا جاڭادان قادام باسقانىمىزعا قاراماستان ەلدى قالاي وزگەرتۋ كەرەكتىگىن بىلەمىز. ءبىز شىن جۇرەكتەن ازات جانە گۇلدەنگەن قازاقستاندا ءومىر سۇرگىمىز كەلەدى», دەدى.
