«گراند» جانە «بيزنەس» ۆاگوندارىنا جەڭىلدىكتەر

«جولاۋشىلار تاسىمالى» اق جۇردەك جولاۋشىلار پويىزدارىنداعى قىزمەتتەردىڭ قولجەتىمدىلىگىنە جاعداي جاساۋ ءۇشىن جۇمىستار جۇرگىزۋدە. قىزمەتتەردىڭ ساپاسىن ارتتىرۋ ماقساتىندا, سونىمەن قاتار, جولاۋ­شىلاردىڭ سۇرانىستارىن قانا­عاتتاندىرۋ ءۇشىن «جولاۋشىلار تاسىمالى» اق №19/20 «اتىراۋ – استانا», №77/78 «الماتى – اتىراۋ», №87/88 «اقتوبە – استانا» جولاۋشىلار پويىزدارىنىڭ «گراند» (سۆ), «بيزنەس» (كۋپە) ساناتتى ۆاگوندارىندا جۇرۋگە جەڭىلدىكتەر ەنگىزەدى. ول دەگەنىمىز, مەرەكە الدى جانە مەرەكە كۇندەرىنەن وزگە, دەمالىس كۇندەرى تاريفتەر جۇمىس كۇندەرىنىڭ دەڭگەيىندە بولادى دەگەن ءسوز. «تۇلپار-تالگو» پويىزىنىڭ «گراند» (سۆ) ۆاگونىندا قوسىمشا سانيتارلىق جەلىمەن جانە جەكە دۋش ءبولىمى بار بەس ەكى ورىندىق كۋپە بار. «بيزنەس» ساناتتى ۆاگونداردا (جەكە سانيتارلىق جەلىسى جوق ەكى ورىندىق) «گراند» ۆاگوندارى سەكىلدى جولاۋشىلاردىڭ جايلىلىعى ءۇشىن وتىرعىشتاردىڭ شىنتاق تايانىشتارىنا جينالمالى شاعىن ۇستەلدەر ورناتىلادى. ءار كۋپە پويىز جولسەرىگىمەن بايلانىستىراتىن تەلەفونمەن جابدىقتالعان. «ەگەمەن-اقپارات».