• 20 ماۋسىم, 2014

پرەزيدەنت تاپسىرمالارىنا نازار اۋدارىلعان سەسسيا

260 رەت

كورسەتىلدى

1 مين

وقۋ ءۇشىن

Egemen Qazaqstan

پارلامەنت سەناتىنىڭ دەپۋتاتى, قازاقستان حالقى اسسامبلەياسى توراعاسىنىڭ ورىنباسارى اناتولي باشماكوۆ قىزىلوردادا قازاقستان حالقى اسسامبلەياسىنىڭ وبلىستىق XVII سەسسياسىنا قاتىستى, دەپ حابارلادى سەناتتىڭ ءباسپاسوز قىزمەتى. شاراعا قاتىسۋشىلار قوعامدى بىرىكتىرۋدەگى قازاقستان حالقى اسسامبلەياسىنىڭ, ەتنومادەني بىرلەستىكتەردىڭ ءرولى, جاس ۇرپاقتى وتانشىلدىق رۋحتا تاربيەلەۋ, تولەرانتتىلىق قاعيدالاردى قالىپتاستىرۋ تۋرالى, ۇلتارالىق قاتىناستارداعى مادەنيەت, مەملەكەتتىك ءتىلدى قولدانۋ اياسىن كەڭەيتۋ جانە قازاقستاندا تۇراتىن باسقا ۇلتتاردىڭ تىلدەرىن دامىتۋ تۋرالى ايتتى. «ۇلتتىق تۇتاستىق پەن ۇلتارالىق ۇيلەسىمدى قاتىناستار ورنىقپايىنشا كوپۇلتتى قوعامدا كەلىسىمگە قول جەتكىزۋ ءمۇمكىن ەمەس. «قوعامدىق كەلىسىم – تۇراقتىلىق – ۇلتتىق تۇتاستىق» ۇعىمدارى مەملەكەت باسشىسى ساياساتىنىڭ ءبىزدىڭ ەلىمىزدى دامىتۋداعى نەگىزگى قاعيدالار رەتىندە بەرىك ورنىقتى», دەپ اتاپ ءوتتى ا.باشماكوۆ. قازاقستان حالقى اسسامبلەياسى توراعاسىنىڭ ورىنباسارى ايماقتىق تۇراقتىلىقتى قامتاماسىز ەتۋدە اسسامبلەيا جانىنان قۇرىلعان قوعامدىق كەلىسىم كەڭەستەرى ماڭىزدى ءرول اتقارۋى ءتيىس ەكەنىن دە اتاپ كورسەتتى.