استانادا ۇلتتىق سپورت تۇرلەرى قاۋىمداستىعىنىڭ ۇيىمداستىرۋىمەن تۇڭعىش رەت اۋدارىسپاقتان ازيانىڭ اشىق چەمپيوناتى ءوتتى.
بايراقتى باسەكەگە قازاقستاننان بولەك, رەسەي, قىتاي, تاجىكستان, اۋعانستان, ۆەنگريا, قىرعىزستان, وزبەكستان, موڭعوليا, ازەربايجان, تۇركيا ەلدەرىنەن 33 سپورتشى قاتىستى. چەمپيونات 70 كيلو, 90 كيلوعا دەيىنگى جانە 90 كيلودان جوعارى سالماق بويىنشا ءوتتى. جارىس سوڭىندا جۇلدە العان بىلەكتى جىگىتتەر ءابسوليۋتتى چەمپيوندىق ءۇشىن تالاستى.
جارىستىڭ اشىلۋ سالتاناتىندا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك ءسوز الىپ, ۇلتتىق سپورت تۇرلەرىمىزدى دامىتۋدىڭ ماڭىزدىلىعىن اتاپ ءوتتى. ات ۇستىندە كۇرەسە ءبىلۋ ءۇشىن سپورتشىدان اتتى جاقسى مەڭگەرۋمەن قوسا, ۇلكەن كۇشتىلىك, ەپتىلىك, توزىمدىلىك پەن بايسالدىلىق تالاپ ەتىلەدى. پارتيا باسشىلارىنىڭ ءبىرى وسىنى ايتتى. ال سايىس ءۇش اينالىم بويىنشا ءوتتى. ونىڭ ءبىرىنشى اينالىمىندا, ياعني 70 كيلو سالماقتا باق سىناسقان 8 ەلدىڭ بالۋاندارى جەڭىسكە جەتۋ ءۇشىن بارىن سالىپ, نامىسقا تىرىستى. ناتيجەسىندە ءبىرىنشى ورىندى قازاقستاندىق ەرمەك جاپىشەۆ جەڭىپ الدى. وعان 1 000 000 تەڭگە بەرىلسە, ەكىنشى بولعان قىتاي ەلىنىڭ ساربازى اقات قۋانىشقا 700 000 تەڭگە, ءۇشىنشى ورىن يەگەرى قىرعىزستاندىق قادىبەك بۋزۋرمانكۋلۋلىنا 400 000 تەڭگە كولەمىندەگى اقشالاي سىيلىقتار تابىس ەتىلدى.
كورەمەندەردىڭ كوڭىلى سەرگىپ, قۋانىشتان جۇزدەرى بال-بۇل جايناپ وتىرعان كەزدە, باس تورەشى رامازان ءساتتىباەۆتىڭ نۇسقاۋىمەن ەكىنشى اينالىم قاتىسۋشىلارى جارىستى باستاۋعا ساقاداي-ساي تۇردى. تورەشى تاراپىنان بەلگى بەرىلگەن بويدا, جارىس باستالىپ كەتتى. 90 كيلو سالماقتا 9 ەلدىڭ سپورتشىلارى ءۇشىن بۇل كەزەڭ ءبىراز قيىندىقتار تۋعىزدى. جوعارى دايىندىقپەن كەلگەن سپورتشىلاردىڭ ءبىر كىلەمدە توعىسۋى جارىستىڭ تارتىستى وتۋىنە سەبەپشى بولدى. الاماننىڭ سوڭى جانكۇيەرلەردى تاعى دا قۋانتتى. قارسىلاسىن تازا جەڭىسپەن جەڭگەن وڭتۇستىك قازاقستان وبلىسىنىڭ وكىلى سىرىم ءىزباساروۆ جەڭىس تۋىن كوك اسپانعا جەلبىرەتىپ, ءبىرىنشى ورىندى يەلەندى. ەكىنشى ورىندى موڭعوليالىق نۇربولات ەرەجەپ السا, ءۇشىنشى ورىنعا قىرعىز ەلىنىڭ وكىلى كۋمۋشبەك قىدىراليەۆ ورنالاستى.
ال 90 كيلودان استام سالماقتا باس جۇلدەنى ءبىرجان قوساليەۆ جەڭىپ الدى. ءبىرجان اۋدارىسپاقتان قازاقستان چەمپيونى. فينالدا ول قارسىلاسىنا ەشقانداي مۇمكىندىك بەرمەي, 10 سەكۋندتا جەڭدى. جارىس سوڭىندا وعان ابسوليۋتتىك چەمپيون اتاعىمەن بىرگە «التىن بەلبەۋ» تابىس ەتىلدى.
ءسويتىپ, كۇنى بويى استانانىڭ ماڭىنداعى «قازانات» اتشابارىندا جالاۋى جەلبىرەگەن جارىس وتە جوعارى دەڭگەيدە ءوتىپ, جانكۇيەرلەردىڭ باس بارماقپەن بەرگەن باعاسىن الدى. چەمپيوناتتىڭ جابىلۋ سالتاناتىندا ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان اۋدارىسپاقتان كەلەسى ءىى اشىق ازيا چەمپيوناتى قىتايدا وتەتىنىن حابارلادى.
ءرابيا كەرىمباي,
ل.ن.گۋميلەۆ اتىنداعى ەۇۋ ستۋدەنتى.
بايراقتى باسەكەگە قازاقستاننان بولەك, رەسەي, قىتاي, تاجىكستان, اۋعانستان, ۆەنگريا, قىرعىزستان, وزبەكستان, موڭعوليا, ازەربايجان, تۇركيا ەلدەرىنەن 33 سپورتشى قاتىستى. چەمپيونات 70 كيلو, 90 كيلوعا دەيىنگى جانە 90 كيلودان جوعارى سالماق بويىنشا ءوتتى. جارىس سوڭىندا جۇلدە العان بىلەكتى جىگىتتەر ءابسوليۋتتى چەمپيوندىق ءۇشىن تالاستى.
جارىستىڭ اشىلۋ سالتاناتىندا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك ءسوز الىپ, ۇلتتىق سپورت تۇرلەرىمىزدى دامىتۋدىڭ ماڭىزدىلىعىن اتاپ ءوتتى. ات ۇستىندە كۇرەسە ءبىلۋ ءۇشىن سپورتشىدان اتتى جاقسى مەڭگەرۋمەن قوسا, ۇلكەن كۇشتىلىك, ەپتىلىك, توزىمدىلىك پەن بايسالدىلىق تالاپ ەتىلەدى. پارتيا باسشىلارىنىڭ ءبىرى وسىنى ايتتى. ال سايىس ءۇش اينالىم بويىنشا ءوتتى. ونىڭ ءبىرىنشى اينالىمىندا, ياعني 70 كيلو سالماقتا باق سىناسقان 8 ەلدىڭ بالۋاندارى جەڭىسكە جەتۋ ءۇشىن بارىن سالىپ, نامىسقا تىرىستى. ناتيجەسىندە ءبىرىنشى ورىندى قازاقستاندىق ەرمەك جاپىشەۆ جەڭىپ الدى. وعان 1 000 000 تەڭگە بەرىلسە, ەكىنشى بولعان قىتاي ەلىنىڭ ساربازى اقات قۋانىشقا 700 000 تەڭگە, ءۇشىنشى ورىن يەگەرى قىرعىزستاندىق قادىبەك بۋزۋرمانكۋلۋلىنا 400 000 تەڭگە كولەمىندەگى اقشالاي سىيلىقتار تابىس ەتىلدى.
كورەمەندەردىڭ كوڭىلى سەرگىپ, قۋانىشتان جۇزدەرى بال-بۇل جايناپ وتىرعان كەزدە, باس تورەشى رامازان ءساتتىباەۆتىڭ نۇسقاۋىمەن ەكىنشى اينالىم قاتىسۋشىلارى جارىستى باستاۋعا ساقاداي-ساي تۇردى. تورەشى تاراپىنان بەلگى بەرىلگەن بويدا, جارىس باستالىپ كەتتى. 90 كيلو سالماقتا 9 ەلدىڭ سپورتشىلارى ءۇشىن بۇل كەزەڭ ءبىراز قيىندىقتار تۋعىزدى. جوعارى دايىندىقپەن كەلگەن سپورتشىلاردىڭ ءبىر كىلەمدە توعىسۋى جارىستىڭ تارتىستى وتۋىنە سەبەپشى بولدى. الاماننىڭ سوڭى جانكۇيەرلەردى تاعى دا قۋانتتى. قارسىلاسىن تازا جەڭىسپەن جەڭگەن وڭتۇستىك قازاقستان وبلىسىنىڭ وكىلى سىرىم ءىزباساروۆ جەڭىس تۋىن كوك اسپانعا جەلبىرەتىپ, ءبىرىنشى ورىندى يەلەندى. ەكىنشى ورىندى موڭعوليالىق نۇربولات ەرەجەپ السا, ءۇشىنشى ورىنعا قىرعىز ەلىنىڭ وكىلى كۋمۋشبەك قىدىراليەۆ ورنالاستى.
ال 90 كيلودان استام سالماقتا باس جۇلدەنى ءبىرجان قوساليەۆ جەڭىپ الدى. ءبىرجان اۋدارىسپاقتان قازاقستان چەمپيونى. فينالدا ول قارسىلاسىنا ەشقانداي مۇمكىندىك بەرمەي, 10 سەكۋندتا جەڭدى. جارىس سوڭىندا وعان ابسوليۋتتىك چەمپيون اتاعىمەن بىرگە «التىن بەلبەۋ» تابىس ەتىلدى.
ءسويتىپ, كۇنى بويى استانانىڭ ماڭىنداعى «قازانات» اتشابارىندا جالاۋى جەلبىرەگەن جارىس وتە جوعارى دەڭگەيدە ءوتىپ, جانكۇيەرلەردىڭ باس بارماقپەن بەرگەن باعاسىن الدى. چەمپيوناتتىڭ جابىلۋ سالتاناتىندا ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان اۋدارىسپاقتان كەلەسى ءىى اشىق ازيا چەمپيوناتى قىتايدا وتەتىنىن حابارلادى.
ءرابيا كەرىمباي,
ل.ن.گۋميلەۆ اتىنداعى ەۇۋ ستۋدەنتى.
