وتپەلى شاقتا وكىنىشتەر كوبەيدى

ماۋسىمنىڭ 18-ىنەن 19-ىنا قاراعان ءتۇنى برازيليادا ءوتىپ جاتقان الەم چەمپيوناتىندا ويىننىڭ كەزەگى ەڭ سوڭعى ن توبىنا كەلىپ جەتۋىمەن بىرگە, الدىڭعى توپتا ەكىنشى تۋردىڭ ويىندارى دا باستالىپ كەتتى. وسىنىڭ ىڭعايىندا بەلگيا – الجير, رەسەي – وڭتۇستىك كورەيا كوماندالارى ءبىرىنشى رەت الاڭعا شىقسا, برازيليا مەن مەكسيكا ءوزارا ەكىنشى ويىندارىن وتكىزدى. وسى ءۇش كەزدەسۋدىڭ قورىتىندىلارى بويىنشا بىرىنشىلىكتەگى تەڭ ناتيجەلەر سانى 3-كە جەتىپ, جاھاندىق جارىستاعى ەڭ ءجيى قايتالانىپ وتىرعان 2:1 كورسەتكىشىنىڭ قاتارى 6-عا تولدى. بۇل جارىس كۇنىنىڭ شىمىل­دىعىن بەلگيا مەن الجير قۇرامالارى اشتى. مۇنداعى ەكى تايم ەكى ءتۇرلى قالىپتا ءوربۋى­مەن ەستە قالدى. ونىڭ ءبىرىنشى بولىگىندە بۇلاردىڭ الدىڭعىلارىنىڭ ءبىراز «جانىپ كەتكەنى» بەلگىلى بولدى. سونىڭ سالدارىنان «قىزىل پەرىلەر» ءوزىنىڭ وسى كۆارتەتتىڭ ءفاۆوريتى دەگەن مارتەبەسىنە ساي قيمىل كورسەتە المادى. ولار العاشقى 45 مينۋتتىقتا اكسەل ۆيتسەلدىڭ الىستان ۇرعان ءبىر سوققىسىمەن جانە ناسەر شادلي تۋعىزعان ءبىر مۇمكىندىكپەن شەكتەلدى. ونىڭ ەسەسىنە, «ەكىنشى نومىرمەن» ويناعان الجير فۋتبولشىلارى ءالسىن-ءالسىن قارسى شابۋىلدارعا شىعىپ تۇردى. سونداي جورىقتاردىڭ بىرىندە سوفيان فەگۋلي قارسى قاقپاعا پەنالتي بەلگىلەنۋىنە قول جەتكىزدى. ونى 25-مينۋتتا ءوزى ءدال ۇرىپ ءتۇسىردى. الايدا, وسى گولدان كەيىن «ءشولدىڭ تۇلكىلەرى» قارسى شابۋىلدارىن ءبىرجولا ۇزگەندەي كەيىپ تانىتتى. ال ەكىنشى تايمدا مارك ۆيلموتستىڭ جىگىتتەرى ويىن تاكتيكاسى مەن سحەماسىن شۇعىل وزگەرتىپ, الاڭعا مۇلدەم جاڭا جاساق كەلگەندەي اسەر قالدىردى. وسى تۇستا دريس مەرتەنس, ديۆوك وريگي جانە مارۋان فەللايني باستاعان فۋتبولشىلار بەلگيا قۇراماسى ءۇشىن ءبىرىنشى تايمدا قول جەتە قويماعان ويىنداردىڭ ۇلگىسىن كورسەتە باستادى. ولاردىڭ ءسات سايىن قىسىمى ارتا تۇسكەن تەگەۋرىنىنە الجيرلىكتەردىڭ قورعانىس شەبى شىداس بەرمەۋگە اينالدى. اقىرىندا كەۆين دە بريۋينەنىڭ پاسىنان كەيىن فەللايني 70-مينۋتتا باسپەن سوققى جاساپ, تارازى باسىن تەڭەستىرىپ كەتتى. ال ارادا تۋرا 10 مينۋت وتكەندە ەدەن ازاردان دوپ العان مەرتەنس ەكىنشى گولدىڭ اۆتورى اتانىپ شىعا كەلدى. ەسەپ – 2:1. جاعدايدىڭ بۇلاي وزگەرۋىنە دايىنسىز الجير قۇراماسى ويىننىڭ بەتىن قايتىپ وزدەرىنە اۋدارا المادى. وسىدان كەيىن برازيليا مەن مەكسيكا قۇرامالارى ەكىنشى تۋردىڭ ويىندارىن باستادى. بۇل ويىن چەمپيوناتتاعى تەڭ ويىن قاتارىن ەكىگە كوبەيتۋمەن بىرگە, العاش رەت 0:0 دەگەن ەسەپتى دە تىركەدى. ماتچ بارىسىندا سكولاري شاكىرتتەرى اۋماق جاعىنان دا, باس­تاما جاعىنان دا, دوپتى كوپ ۇستاۋ جاعىنان دا ەداۋىر باسىم بولدى. ولاردىڭ ەسەپ اشاتىنداي مۇمكىندىكتەرى دە از بولعان جوق. بىراق سونىڭ ءبارىنىڭ سوڭعى شەبىندە مەكسيكالىقتاردىڭ قاقپاشىسى گيلەرمو وچاو قاس قاقپاي تۇردى. تۇتاسىنان ايتقاندا, «سەلەساو» جالپى باسىم بولعانىمەن, ءدال ماۋسىماشار ماتچتاعىداي تەگەۋرىن مەن جىگەر تانىتا المادى. وسىنداي اۋىر ويىندى كەشە تاڭ الدىندا كورەيا كومانداسىمەن الاڭعا شىققان رەسەي قۇراماسى دا باستان كەشىپ, تەڭ ويىن سانىن 3-كە تولتىردى. بۇل شايقاس چەمپيوناتتا وسال قارسىلاستىڭ جوق ەكەنىن بايقاتتى. دەگەنمەن, فابيو كاپەللونىڭ ساربازدارى ءوز مۇمكىندىكتەرىنەن تومەن ويىن كورسەتتى. ولار كەزدەسۋدىڭ ءبىراز بولىگىندە بەلسەندى قيمىل كورسەتكەن كورەيلەردىڭ ءبىرىنشى بولىپ گول سوعۋلارىنا دا جول بەرىپ قويدى. ونى 68-مينۋتتا لي گىن حو قاقپاشى يگور اكينفەەۆتىڭ ورەسكەل قاتەلىگىنەن كەيىن ءتۇسىردى. سودان كەيىن جاتتىقتىرۋشى الاڭعا الەكساندر كەرجاكوۆتى شىعاردى. كوماندانى جەڭىلىستەن قۇتقارىپ قالعان دا وسى شابۋىلشى بولدى. ول 74-مينۋتتا ەسەپتى تەڭەستىردى. كەشە تۇندە اۆستراليا – گول­لان­ديا, يسپانيا – چيلي, ال بۇگىن تاڭ الدىندا كامەرۋن – حورۆاتيا كوماندالارى ءوزارا ەكىنشى تۋر­دىڭ ويىندارىن وينادى. بەتكە قول قويىلعانعا دەيىن گوللانديانىڭ اۆستراليانى 3:2 ەتىپ ۇتقانى بەلگىلى بولدى. سەرىك ءپىرنازار, «ەگەمەن قازاقستان».