2014 جىلعى 3 ماۋسىم, استانا, ۇكىمەت ءۇيى
قازاقستان رەسپۋبليكاسىنىڭ اۋماعىنان وڭدەلمەگەن باعالى مەتالداردى, باعالى مەتالداردىڭ سىنىقتارى مەن قالدىقتارىن جانە قۇرامىندا باعالى مەتالدار بار شيكىزات تاۋارلارىن اكەتۋگە ۋاقىتشا تىيىم سالۋ تۋرالى
2008 جىلعى 25 قاڭتارداعى ءۇشىنشى ەلدەرگە قاتىستى تاريفتىك ەمەس رەتتەۋدىڭ بىرىڭعاي شارالارى تۋرالى كەلىسىمنىڭ 9-بابىنا جانە 2009 جىلعى 9 ماۋسىمداعى ءۇشىنشى ەلدەرگە قاتىستى بىرىڭعاي كەدەندىك اۋماقتا تاۋارلارمەن جاسالاتىن سىرتقى ساۋدانى قوزعايتىن شارالاردى ەنگىزۋ جانە قولدانۋ ءتارتىبى تۋرالى كەلىسىمنىڭ 8-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. وسى قاۋلىعا قوسىمشاعا سايكەس قازاقستان رەسپۋبليكاسىنىڭ اۋماعىنان وڭدەلمەگەن باعالى مەتالداردى, باعالى مەتالداردىڭ سىنىقتارى مەن قالدىقتارىن جانە قۇرامىندا باعالى مەتالدار بار شيكىزات تاۋارلارىن اكەتۋگە ۋاقىتشا تىيىم سالۋ ەنگىزىلسىن.
2. قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى زاڭنامادا بەلگىلەنگەن تارتىپپەن وسى قاۋلىنىڭ 1-تارماعىنىڭ ورىندالۋىن قامتاماسىز ەتسىن.
3. قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى زاڭنامادا بەلگىلەنگەن تارتىپپەن:
1) وسى قاۋلىنىڭ 1-تارماعىندا كورسەتىلگەن تىيىم سالۋدىڭ ەنگىزىلگەنى تۋرالى ەۋرازيالىق ەكونوميكالىق كوميسسياسىن حاباردار ەتسىن;
2) ەۋرازيالىق ەكونوميكالىق كوميسسيانىڭ قاراۋىنا كەدەن وداعىنا قاتىسۋشى باسقا مەملەكەتتەردىڭ وسى قاۋلىنىڭ 1-تارماعىندا كورسەتىلگەن شارالاردى قولدانۋى تۋرالى ۇسىنىستار ەنگىزسىن.
4. قازاقستان رەسپۋبليكاسى سىرتقى ىستەر مينيسترلىگى وسى قاۋلى قولدانىسقا ەنگىزىلگەن كۇننەن باستاپ كۇنتىزبەلىك ون ءتورت كۇننىڭ ىشىندە قازاقستان رەسپۋبليكاسىنىڭ ۇكىمەتى قابىلدايتىن سىرتقى ساۋدا قىزمەتىن رەتتەۋ جونىندەگى شارالار تۋرالى ەۋرازيالىق ەكونوميكالىق قوعامداستىقتىڭ ينتەگراتسيالىق كوميتەتىنىڭ حاتشىلىعىن حاباردار ەتسىن.
5. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە قولدانىسقا ەنگىزىلگەن كۇنىنەن باستاپ التى اي بويى قولدانىلادى.
قازاقستان رەسپۋبليكاسىنىڭ
پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ
2014 جىلعى 3 ماۋسىمداعى №606 قاۋلىسىنا قوسىمشا
قازاقستان رەسپۋبليكاسىنىڭ اۋماعىنان ۋاقىتشا اكەتۋگە تىيىم سالىنعان, وڭدەلمەگەن باعالى مەتالدار, باعالى مەتالداردىڭ سىنىقتارى مەن قالدىقتارى جانە قۇرامىندا باعالى مەتالدار بار شيكىزات تاۋارلارى| ر/س№ | تاۋاردىڭ قىسقاشا اتاۋى | سەق تن كودى |
| 1. | وڭدەلمەگەن نەمەسە جارتىلاي وڭدەلگەن, نەمەسە ۇنتاق تۇرىندەگى التىن (پلاتينادان الىنعان گالۆانيكالىق قاپتاماسى بار التىندى قوسا العاندا):– مونەتارلىق ەمەس: – – ۇنتاق; – – وزگە دە وڭدەلمەگەن نىسانداردا: – – – وزگەلەرى (وڭدەلمەگەن, سول سياقتى تازارتىلعان تۇردەگى, تازالىعى ليگاتۋرالىق سالماقتىڭ 1000 ۇلەسىنە قاتىستى 995 مىڭ ۇلەسكە تەڭ نەمەسە ودان ارتىق, بۇل 995 سىناماعا, 995 پروميللەگە, 99,5 پايىزعا نەمەسە 23,88 كاراتقا سايكەس تۇيىرشىكتەلگەن التىندى قوسپاعاندا) | 7108 11 000 07108 12 000 9 |
| 2. | باعالى مەتالداردىڭ نەمەسە باعالى مەتالدار جالاتىلعان مەتالداردىڭ قالدىقتارى مەن سىنىقتارى; نەگىزىنەن باعالى مەتالداردى شىعارۋ ءۇشىن پايدالانىلاتىن, قۇرامىندا باعالى مەتالل نەمەسە باعالى مەتالداردىڭ قوسىلىستارى بار وزگە قالدىقتار مەن سىنىقتارى:– – التىن جالاتىلعان مەتالدى قوسا العاندا, بىراق قۇرامىندا باسقا دا باعالى مەتالدار بار قالدىقتاردى قوسپاعاندا, التىن | 7112 91 000 0 |
