«ەگەمەن قازاقستان» گازەتى «استانا جانە مەن» اتتى سەلفي-كونكۋرس ۇيىمداستىرماق

استانا. 10 ماۋسىم. جىل سايىن كوڭىلگە جىلىلىق ۇيالاتا كەلەتىن مامىراجاي استانا كۇنى جاقىنداپ كەلەدى. وسى ايتۋلى كۇنگە وراي «ەگەمەن قازاقستان» گازەتى facebook الەۋمەتتىك جەلىسىن قولدانۋشىلار ءۇشىن «استانا جانە مەن» اتتى سەلفي-كونكۋرس ۇيىمداستىرۋعا شەشىم قابىلدادى. بۇل تۋرالى egemen.kz ءتىلشىسى حابارلادى. سەلفي (فوتواۆتوپورترەت) – facebook الەۋمەتتىك جەلىسىن قولدانۋشىلار اراسىندا كەڭىنەن تاراعان سۋرەتكە ءتۇسىرۋ ادىستەرىنىڭ ءبىرى. قازىرگى تاڭدا جاستار جاعى كوبىرەك پايدالاناتىن سۋرەتكە باسۋدىڭ بۇل ءتاسىلى ينتەرنەتتى, سونىڭ ىشىندە الەۋمەتتىك جەلىلەردى تۇراقتى تۇردە قولداناتىندار اراسىندا ترەندكە اينالىپ وتىر دەسە دە بولادى. كونكۋرسقا قاتىسۋشىلاردىڭ ۇسىناتىن سۋرەتتەرىندە استانانىڭ بۇگىنگى كەلبەتى, ونداعى تاريحي جانە حالىقتىڭ كوز قۋانىشىنا اينالعان, الەۋمەتتىك ماڭىزى زور ورىندار كورىنىس بەرۋلەرى كەرەك. سايىسقا قاتىسۋشىلاردىڭ ارنايى تىركەۋدەن ءوتۋىنىڭ قاجەتى جوق. ولار وزدەرى تۇسىرگەن ەلودامىزعا قاتىستى سۋرەتتەرىن 16-30 ماۋسىم كۇندەرى ارالىعىندا facebook-تەگى photo.egemen.kz سايتىنا جىبەرىپ تۇرۋلارى ءتيىس. كەلىپ تۇسكەن سۋرەتتەردىڭ ارقايسىسى مودەراتسيادان وتكەننەن كەيىن photo.egemen.kz سايتىنا ورنالاستىرىلادى. كونكۋرستىڭ سوڭىندا سايتقا ورنالاستىرىلعان جۇمىستار ىرىكتەلىپ, جەڭىمپاز بەن جۇلدەگەرلەر ەسىمدەرى انىقتالادى. ولارعا رەداكتسيانىڭ ارنايى سىي-سياپتتارى تاپسىرىلادى. جولدىباي بازار. دەرەككوز: egemen.kz. فوتو: egemen.kz.