زاڭناماعا تۇزەتۋلەردى قارايدى

قاسىم-جومارت توقاەۆتىڭ توراعالىق ەتۋىمەن سەنات بيۋروسىنىڭ وتىرىسى بولدى. پالاتانىڭ سارسەنبى, 11 ماۋسىمدا بولاتىن كەزەكتى وتىرىسىنىڭ كۇن ءتارتىبى تالقىلاندى, دەپ حابارلادى سەناتتىڭ ءباسپاسوز قىزمەتى. سەنات ۇكىمەتتىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2013 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرىن قارايدى. مەملەكەت باسشىسى شۇعىل دەپ جاريالاعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ينۆەستيتسيالىق احۋالدى جە­تىل­دىرۋ ماسەلەلەرى بويىنشا ءوز­گەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا قاراۋ جوس­پارلاندى. سەناتورلار قىلمىستىق-پروتسەستىك كودەكسىنىڭ, كەيبىر كونستيتۋتسيالىق زاڭدارعا جانە باسقا بىرقاتار زاڭنامالىق اكتى­لەرگە قىلمىستىق-پرو­تسەس­تىك زاڭنامانى جەتىلدىرۋ ماسە­لەلەرى بويىنشا وزگەرىستەر مەن تولىقتىرۋلار ەنگىزۋ تۋرالى, اكىمشىلىك قۇقىق بۇزۋشىلىق تۋرالى كودەكسىنىڭ جوبالارىن, سونداي-اق, كەيبىر زاڭنامالىق اكتىلەرگە اكىمشىلىك قۇقىق بۇزۋ­شىلىق تۋرالى زاڭناما ماسە­لەلەرى بويىنشا تۇزەتۋلەردى تالقىلايدى. ودان باسقا, سەنات وتىرىسىنا «كاسىپتىك وداقتار تۋرالى» جانە زاڭناماعا كاسىپتىك وداقتاردىڭ قىزمەتى جانە ەڭبەك قاتىناستارىن رەتتەۋ ماسەلەلەرى بويىنشا تۇزەتۋلەر جوبالارى ء(بىرىنشى وقىلىمدا) شىعارىلادى. باس كوميتەتتەردىڭ توراعا­لارى زاڭ جوبالارىنىڭ سەنات وتىرىسىنا ازىرلىك بارىسى تۋرالى باياندادى. بيۋرودا تاياۋدا ماجىلىستە ماقۇلدانعان زاڭ جوبالارى ءبولىنىپ بەرىلدى. باس كوميتەتتەرگە سەنات كو­مي­تەتتەرىنىڭ ۇسىنىستارىن جي­ناقتاۋ جانە قورىتىندى ازىرلەۋ تاپسىرىلدى. بيۋرو قاۋلىسىمەن سەنات­تىڭ 2014 جىلعى نەگىزگى شارا­لار جوسپارىنا وزگەرىستەر ەن­گىزىلدى.