ءماجىلىس بيۋروسى: پالاتانىڭ كۇن ءتارتىبى

قابيبوللا جاقىپوۆتىڭ توراعالىعىندا ءماجى­لىس بيۋروسى ءوتتى. وندا پالاتانىڭ الداعى جالپى وتىرىسىندا قارالاتىن كۇن ءتارتىبىنىڭ جوباسى ناقتىلاندى, دەپ حابارلادى ءماجىلىستىڭ ءباسپاسوز قىزمەتى. دەپۋتاتتاردىڭ تالقى­لاۋى­نا بىرقاتار راتيفيكاتسيالاناتىن كەلىسىمدەر شىعارىلادى. ولار: كاسپي تەڭىزىندەگى قاۋىپ­سىزدىك سالاسىنداعى ىنتى­ماقتاستىق تۋرالى; قازاق­ستان-رەسەي اراسىنداعى قا­زاق­ستان اۋماعى ارقىلى قىتاي حالىق رەسپۋبليكاسىنا رەسەي­لىك مۇنايدى تاسىمالداۋ سا­لا­سىنداعى ىنتىماقتاستىق تۋرالى; اۋعانستان يسلام رەسپۋب­ليكاسىن تۇراقتاندىرۋ مەن قالپىنا كەلتىرۋ ءجونىن­دەگى ءىس-قيمىلدارعا يتاليا رەس­پۋب­ليكاسى قارۋلى كۇشتەرىنىڭ قازاقستان اۋماعى ارقىلى ءاس­كەري م ۇلىك پەن پەرسونالدىڭ ءترانزيتىن قامتاماسىز ەتۋ تۋرالى;  وزبەكستان ۇكىمەتىمەن شەكارا وكىلدەرىنىڭ قىزمەتى تۋرالى كەلىسىمدەر. جالپى وتىرىستىڭ كۇن تارتىبىنە حالىق قالاۋلىلارى باس­تاماشى بولعان پوشتا باي­لانىسى سالاسىنداعى زاڭ­ناماسىنىڭ نورمالارىن دۇنيەجۇزىلىك پوشتا وداعى اكتىلەرىنىڭ نورمالارىمەن بىرىزدەندىرۋ جانە پوشتا وپە­را­تورلارىنىڭ قىزمەتىن رەتتەۋگە قاتىستى زاڭناما دا ەنگى­زىلگەن. پالاتاعا سالالىق كوميتەت­تەرگە جاڭا زاڭ جوبالارىنا قورى­تىندى ازىرلەۋ مەزگىلدەرىن  ناق­تىلاۋ ۇسىنىلدى. ولار­دىڭ قاتارىندا: ەڭبەك قاۋىپ­سىزدىگى مەن گيگيەناسىنا ءجار­دەم­دەسەتىن نەگىزدەر تۋرالى كون­ۆەنتسيانى (187-كونۆەنتسيا) راتيفيكاتسيالاۋ تۋرالى ءجا­نە ازاماتتىق ءىس جۇرگىزۋ ءما­سە­لەلەرى بار. وسىلارعا «بىتىمگەرشىلىك قىزمەت تۋرالى» زاڭ جوباسى ىلەسپە تۇزەتۋلەرىمەن ءجا­نە دەپۋتاتتاردىڭ باستاما­شى­لى­عىمەن جاسالعان حالىقارالىق تەڭىز ۇيىمىنىڭ اۋديتىنەن ءوتۋ تۋرالى زاڭ جوبالارى دا  قو­سىلدى.