قازاق ءتىلدى جۋرناليستەر اراسىندا «التىن قالام» V شىعارماشىلىق بايقاۋى باستالادى

ەۋرازيالىق توپ ENRC-ءدىڭ ۇزدىك داستۇرلەرىن جالعاستىرىپ, «ەگەمەن قازاقستان» رەسپۋبليكالىق گازەتىمەن بىرگە V شىعارماشىلىق «التىن قالام» بايقاۋىنىڭ باستالعاندىعى تۋرالى حابارلايدى. بايقاۋعا رەسپۋبليكالىق جانە وڭىرلىك باسىلىمداردىڭ, تەلەديدار, راديو جانە ينتەرنەت باسىلىمدارىنىڭ جۋرناليستەرى قاتىسا الادى. بايقاۋدىڭ ماقساتى – كەن بايىتۋ جانە مەتاللۋرگيا سالاسىنداعى مەملەكەتتىك ساياساتتىڭ جۇزەگە اسىرىلۋى مەن ءۇيد باعدارلاماسىنىڭ جوبالارىنىڭ ىسكە قوسىلۋى, ەڭبەك ادامدارى تۋرالى جازعان جۋرناليستەردى انىقتاپ, ماراپاتتاۋ. بايقاۋ قورىتىندىسى مەن جۋرناليستەردى ماراپاتتاۋ قازاقستان رەسپۋبليكاسى تاۋەلسىزدىگى كۇنى مەرەكەسىنە قاراي شىعارىلادى. ماتەريالدارعا قويىلاتىن تالاپتار بايقاۋعا جولدانعان ماتەريالدار كەن بايىتۋ جانە مەتاللۋرگيا سالاسىنداعى مەملەكەتتىك ساياساتتىڭ جۇزەگە اسىرىلۋى, سالالىق ماسەلەلەر مەن سالادا قىزمەت ەتەتىن ەڭبەك ادامدارى تۋرالى بولۋى قاجەت. ماتەريالدار رەسپۋبليكالىق جانە وڭىرلىك قازاق ءتىلدى باسىلىمداردا, ينتەرنەت باسىلىمدارىندا نەمەسە تەلەارنالار مەن راديودا 2014 جىلى جارىق كورگەن بولۋى قاجەت. جولدانعان ماتەريالداردا باسىلىمنىڭ, تەلەارنانىڭ نەمەسە راديونىڭ اتاۋى, ماتەريالدىڭ مەرزىمى مەن اۆتورى كورسەتىلۋى كەرەك. كەمىندە ءۇش ماتەريالدىڭ (ماقالا, تەلە-, راديوسيۋجەت) تۇپنۇسقاسى جىبەرىلگەنى ءجون. ماتەريالدار 2014 جىلدىڭ 15 قاراشاسىنا دەيىن قابىلدانادى. ماتەريالدار رەتسەنزيالانبايدى جانە كەرى قايتارىلمايدى. ماتەريالداردى باعالاۋ ولشەمدەرى اقپاراتتىق قۇندىلىعى. ساراپتامالىق تەرەڭدىگى. تاقىرىپ وزەكتىلىگى. جۋرناليستىك شەبەرلىگى. بايقاۋ جەڭىمپازدارىنا بەلگىلەنگەن سىيلىقتار كونكۋرس قورىتىندىسى بويىنشا مىناداي جۇلدەلى ورىندار بەلگىلەنگەن: 1 ورىن – ءبىر اتالىم – 500 مىڭ تەڭگە. 2 ورىن – ەكى اتالىم – 400 مىڭ تەڭگەدەن. 3 ورىن – ءۇش اتالىم – 300 مىڭ تەڭگەدەن. ماتەريالداردى «بايقاۋعا» بەلگىسىمەن مىنا مەكەنجايعا جىبەرۋ كەرەك: استانا ق., قابانباي باتىر داڭعىلى, 30 ا, 401-بولمە. قوسىمشا اقپارات الۋ ءۇشىن حابارلاسىڭىز: تەل: +7 (7172) 592-218, ۇيالى تەل: 8-701-960-69-72, yerzat.tursunkulov@kz.enrc.com