جەكەشەلەندىرۋگە ءجىتى نازار

جۋىردا «سامۇرىق-قازىنا» كومپانيالار توبىن جەكەشەلەندىرۋ جونىندەگى باسقارۋشى كوميتەت قۇرىلدى. 14 ادامنان تۇراتىن كوميتەتتىڭ  باسشىسى بولىپ قوردىڭ باسقارما توراعاسىنىڭ ورىنباسارى ەلەنا باحمۋتوۆا تاعايىندالىپ, ول ءباسپاسوز ءماسليحاتىن وتكىزدى. «ەرەجەنى جاساۋ كەزىندە قور قىزمەتكەرلەرى مەن باعدارلاما وپەراتورى «سامۇرىق-قازىنا كونتراكت» جشس وتكەن جەكە­شەلەندىرۋدىڭ تاجىريبەسىن, قا­زاقستان رەسپۋبليكاسىنىڭ زاڭناماسى مەن وزىق شەتەلدىك تاجىريبەنى باسشىلىققا الدى. ەرەجە ءىس-شارالاردىڭ اشىقتىعىن قامتاماسىز ەتەتىن تەحنولوگيالاردى پايدالانۋعا نەگىزدەلەدى. زاڭدىلىق پەن ەكونوميكالىق قاجەتتىلىككە كەلسەك, ساتىلىمعا شىعارىلاتىن اكتيۆتەر ەڭ الدىمەن تاۋەلسىز ساراپشىلاردىڭ زاڭدىق ساراپتاماسىنان وتكىزىلەدى. ەكىنشىدەن, قور اكتيۆتەردى تاۋەلسىز باعا­لاۋ­شىلار بەلگىلەگەن ادىلەتتى باعا­مەن عانا ساتادى. اكتيۆتەرگە تەك ساتۋ ءۇشىن ءجونسىز باعا قويىل­مايدى. كەيبىر اكتيۆتەرگە سۇ­را­نىس بولماسا, قور مەن ونىڭ ەن­­شى­لەس كومپانيالارى اتالعان م ۇلىك­كە قاتىستى ءتيىستى شەشىم قا­بىلدايدى», دەدى ە.باحمۋتوۆا. ەرەجە بارلىق مۇددەلى تاراپ­تاردىڭ قۇقى مەن مىندەتتەرىن انىقتاۋ, اكتيۆتەردى ساتۋ ال­دىن­داعى ۇدەرىستەر مەن ساتۋ تاسىلدەرىن ناقتىلاۋ, سونىمەن بىرگە اۋكتسيوندار مەن تەندەرلەردى وتكىزۋ شارالارىن بەلگىلەيدى. سونداي-اق, قۇجاتتا سترا­تەگيالىق اكتيۆتەر مەن نىسان­داردى ساتۋعا شەكتەۋ قويىلعان. ۇكىمەتتىڭ ۇستىمىزدەگى جىلعى 12 مامىرداعى قاۋلىسىمەن جەكەشەلەندىرۋ باعدارلاماسى اياسىندا باسەكەلەستىك ورتاعا ساتۋعا شىعارىلاتىن «سامۇرىق-قازىنا» اق-تىڭ كومپانيالار ءتىزىمى بەكىتىلگەن. ۇكىمەت شەشىمى بويىنشا جەكە سەكتورعا  «سامۇرىق-قازىنانىڭ» 106 كومپانياسىنىڭ ءتۇرلى ۇلەسى ساتىلادى. سونىڭ ىشىندە 5 كومپانيانى  ءىرو مەن SPO-عا شىعارۋ كوزدەلگەن. وسى جىلدىڭ ماۋسىم-شىلدە ايلارىندا «قازاقستان تەمىر جولى» اق قۇرامىنداعى 4 كومپانيا, «قازاتومونەركاسىپ» اق قۇرامىنداعى 2 جانە «قازاقستان ينجينيرينگ» اق قۇرامىنداعى 4 كومپانيا ساتۋعا شىعارىلادى. «ەگەمەن-اقپارات».