«بىرلىك» ساياسي پارتياسى ەلوردادا قايىرىمدىلىق اۋكتسيونىن وتكىزدى
بۇل شارا وتكەن جىلى پارتيانىڭ تىكەلەي قولداۋىمەن وتكىزىلگەن «تاۋەلسىزدىك تانىتقان تالانتتار» اتتى ونەرلى جاستارعا ارنالعان فەستيۆالدىڭ زاڭدى جالعاسى ىسپەتتى. وندا ەلىمىزدەگى ونداعان تالانتتى ونەرپاز جاستارعا قارجىلاي كومەك كورسەتىلىپ, ولاردىڭ قوعامعا تەزىرەك تانىلۋى مەجەلەنگەن ەدى. ال كەشەگى وتكىزىلگەن قايىرىمدىلىق اۋكتسيونىنا سول اۋقىمدى فەستيۆالدە باس جۇلدەگە يە بولعان قىلقالام شەبەرلەرى مەن جاس سۋرەتشىلەردىڭ شىعارمالارى ساتىلىمعا قويىلدى. كارتينالاردى ساتۋدان تۇسكەن بارلىق قاراجات اۋىر ناۋقاسپەن, ياعني لەيكەميامەن اۋىراتىن بالالاردى قولداۋ قورىنا جىبەرىلدى. اۋكتسيوندا 8 لوت بويىنشا 12 اۆتوردىڭ جۇمىستارى ساتىلىپ, 20 ميلليون تەڭگەدەن استام قاراجات جينالدى.
قايىرىمدىلىق شاراسىنىڭ اشىلۋىندا «بىرلىك» ساياسي پارتياسىنىڭ توراعاسى سەرىك سۇلتانعالي ەلباسى جولداۋىندا ەلىمىزدى دامىعان 30 ەلدىڭ قاتارىنا كىرگىزۋ تۋرالى ستراتەگيالىق ماقسات قويعانىن ايتىپ ءوتتى. «بۇگىندە قازاقستان الەمدىك ارەنادا تانىلىپ قانا قويماي, ءوز ورنىن ويىپ العان الدىڭعى مەملەكەتتەردىڭ قاتارىنا ىلىكتى. حالىقتىڭ ءال-اۋقاتى, رۋحاني جانە مورالدىق قۇندىلىقتارى كوپتەگەن مەملەكەتتەر ءۇشىن ۇلگىگە اينالدى. الايدا, جاقىندارىمىزعا دەگەن كومەك پەن قايىرىمدىلىقتىڭ بولاشاق ءۇشىن ماڭىزى زور ەكەنىن ۇمىتپاعان ءجون. دامىعان ەلدەردە قاراجاتتىڭ ەداۋىر بولىگى, بۇل شامامەن 80 پايىزى, اق قانمەن اۋىراتىن بالالاردى ەمدەۋگە قايىرىمدىلىق كومەك تۇرىندە كەلىپ تۇسەدى. سوندىقتان مەن بارلىق وتانداستاردى وسى ىستەن قالىس قالماۋعا, ورتاق كۇش-جىگەرمەن تاۋەلسىز قازاقستانداعى مۇقتاج جاس ۇرپاققا وسى اۋىر كەسەلدەن ارىلۋعا كومەك كورسەتۋگە شاقىرامىن», دەدى ول.
الەمدىك ستاتيستيكا دەرەكتەرى بويىنشا, قاتەرلى ىسىك اۋرۋلارى ىشىندە ءبىرىنشى ورىندا اق قان اۋرۋى تۇر. ەلىمىزدە جىلىنا ورتا ەسەپپەن قاتەرلى قان اۋرۋىنا شالدىققان 2500 بالا ەمدەلەدى ەكەن, ونىڭ ىشىندە شامامەن 600-ءىنىڭ ونكولوگيالىق جانە گەماتولوگيالىق اۋرۋلارى العاش رەت انىقتالعان بالالار. سونداي-اق, جىلىنا ورتا ەسەپپەن 140 ادامنىڭ اق قان اۋرۋىنا شالدىققانى انىقتالادى.
مارات اققۇل,
«ەگەمەن قازاقستان».
استانا.
قايىرىمدىلىق شاراسىنىڭ اشىلۋىندا «بىرلىك» ساياسي پارتياسىنىڭ توراعاسى سەرىك سۇلتانعالي ەلباسى جولداۋىندا ەلىمىزدى دامىعان 30 ەلدىڭ قاتارىنا كىرگىزۋ تۋرالى ستراتەگيالىق ماقسات قويعانىن ايتىپ ءوتتى. «بۇگىندە قازاقستان الەمدىك ارەنادا تانىلىپ قانا قويماي, ءوز ورنىن ويىپ العان الدىڭعى مەملەكەتتەردىڭ قاتارىنا ىلىكتى. حالىقتىڭ ءال-اۋقاتى, رۋحاني جانە مورالدىق قۇندىلىقتارى كوپتەگەن مەملەكەتتەر ءۇشىن ۇلگىگە اينالدى. الايدا, جاقىندارىمىزعا دەگەن كومەك پەن قايىرىمدىلىقتىڭ بولاشاق ءۇشىن ماڭىزى زور ەكەنىن ۇمىتپاعان ءجون. دامىعان ەلدەردە قاراجاتتىڭ ەداۋىر بولىگى, بۇل شامامەن 80 پايىزى, اق قانمەن اۋىراتىن بالالاردى ەمدەۋگە قايىرىمدىلىق كومەك تۇرىندە كەلىپ تۇسەدى. سوندىقتان مەن بارلىق وتانداستاردى وسى ىستەن قالىس قالماۋعا, ورتاق كۇش-جىگەرمەن تاۋەلسىز قازاقستانداعى مۇقتاج جاس ۇرپاققا وسى اۋىر كەسەلدەن ارىلۋعا كومەك كورسەتۋگە شاقىرامىن», دەدى ول.
الەمدىك ستاتيستيكا دەرەكتەرى بويىنشا, قاتەرلى ىسىك اۋرۋلارى ىشىندە ءبىرىنشى ورىندا اق قان اۋرۋى تۇر. ەلىمىزدە جىلىنا ورتا ەسەپپەن قاتەرلى قان اۋرۋىنا شالدىققان 2500 بالا ەمدەلەدى ەكەن, ونىڭ ىشىندە شامامەن 600-ءىنىڭ ونكولوگيالىق جانە گەماتولوگيالىق اۋرۋلارى العاش رەت انىقتالعان بالالار. سونداي-اق, جىلىنا ورتا ەسەپپەن 140 ادامنىڭ اق قان اۋرۋىنا شالدىققانى انىقتالادى.
مارات اققۇل,
«ەگەمەن قازاقستان».
استانا.
