• 31 مامىر, 2014

ورتاق پىكىر بىلدىرىلگەن كەزدەسۋ

320 رەت

كورسەتىلدى

1 مين

وقۋ ءۇشىن

Egemen Qazaqstan

ءماجىلىس توراعاسى قابيبوللا جاقىپوۆ كۋبانىڭ قازاقستانداعى توتەنشە جانە تولىق وكىلەتتى ەلشىسى كارلوس ەنريكە ۆالدەس دە لا كونسەپسيوندى قابىلدادى, دەپ حابارلادى وسى پالاتانىڭ ءباسپاسوز قىزمەتى. سۇحباتتاستار قازاقستان-كۋبا ىنتىماقتاستىعى ماسەلەلەرىنىڭ كەڭ اۋقىمىن تالقىلاپ, دەنساۋلىق ساقتاۋ, تۋريزم, سپورت سالالارىنداعى ءوزارا ءىس-قيمىلدى دامىتۋ ماسەلەلەرىن پەرسپەكتيۆالى باعىت رەتىندە اتاپ ءوتتى. پالاتا توراعاسى ءماجىلىستىڭ قىزمەتى تۋرالى ايتا كەلىپ, دەپۋتاتتىق كورپۋستىڭ مەملەكەت باسشىسى نۇرسۇلتان نازارباەۆتىڭ ەلىمىزدى الەمنىڭ بارىنشا دامىعان 30 ەلىنىڭ قاتارىنا كىرگىزۋ جونىندەگى تاپسىرمالارىن ورىنداۋ ءۇشىن جۇرگىزىپ جاتقان زاڭ شىعارۋ جۇمىسىنا باسا ءمان بەردى. ءوز كەزەگىندە ەلشى قازاقستاننىڭ ەل پرەزيدەنتىنىڭ باسشىلىعىمەن قول جەتكىزگەن تابىستارىن جوعارى باعالادى. بۇل رەتتە ەلشى ءبىزدىڭ ەلىمىزدە «قازاقستان-2050» ستراتەگياسىندا بەلگىلەنگەن ماقساتتارعا جەتۋ ءۇشىن تولىق مۇمكىندىك بار ەكەنىنە سەنىم ءبىلدىردى. ق.جاقىپوۆ جانە ك.ۆالدەس دە لا كونسەپسيون قازاقستان-كۋبا قاتىناستارىن دامىتۋعا پارلامەنتارالىق بايلانىستاردى نىعايتۋ دا ءوز ىقپالىن تيگىزەتىنى تۋرالى ورتاق پىكىر ءبىلدىردى.