قازاقستان رەسپۋبليكاسى ۇكىمەتىنىڭ قاۋلىسى № 418

2014 جىلعى 29 ءساۋىر,  استانا, ۇكىمەت ءۇيى «جاڭارتىلاتىن ەنەرگيا كوزدەرىنىڭ پايدالانۋ وبەكتىلەرى قۇرىلىسىنىڭ تەحنيكالىق-ەكونوميكالىق نەگىزدەمەلەرى مەن جوبالارىن كەلىسۋ جانە بەكىتۋ ەرەجەسىن, مەرزىمدەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 25 جەلتوقسانداعى № 2190 قاۋلىسىنا وزگەرىستەر ەنگىزۋ تۋرالى «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» 2009 جىلعى 4 شىلدەدەگى قازاقستان رەسپۋبليكاسىنىڭ زاڭى 5-بابىنىڭ 5) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1.«جاڭارتىلاتىن ەنەرگيا كوزدەرىنىڭ پايدالانۋ وبەكتىلەرى قۇرىلىسىنىڭ تەحنيكالىق-ەكونوميكالىق نەگىزدەمەلەرى مەن جوبالارىن كەلىسۋ جانە بەكىتۋ ەرەجەسىن, مەرزىمدەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 25 جەلتوقسانداعى № 2190 قاۋلىسىنا (قازاقستان رەسپۋبليكاسىنىڭ ءپۇاج-ى, 2010 ج., № 1, 11-قۇجات) مىناداي وزگەرىستەر ەنگىزىلسىن: تاقىرىبى مىناداي رەداكتسيادا جازىلسىن: «جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىلەرىن سالۋدىڭ تەحنيكالىق-ەكونوميكالىق نەگىزدەمەلەرى مەن جوبالارىن كەلىسۋ جانە بەكىتۋ قاعيدالارىن, مەرزىمدەرىن بەكىتۋ تۋرالى»; 1-تارماق مىناداي رەداكتسيادا جازىلسىن: «1. قوسا بەرىلىپ وتىرعان جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىلەرىن سالۋدىڭ تەحنيكالىق- ەكونوميكالىق نەگىزدەمەلەرى مەن جوبالارىن كەلىسۋ جانە بەكىتۋ قاعيدالارى, مەرزىمدەرى بەكىتىلسىن.»; كورسەتىلگەن قاۋلىمەن بەكىتىلگەن جاڭارتىلاتىن ەنەرگيا كوزدەرىنىڭ پايدالانۋ وبەكتىلەرى قۇرىلىسىنىڭ تەحنيكالىق-ەكونوميكالىق نەگىزدەمەلەرى مەن جوبالارىن كەلىسۋ جانە بەكىتۋ ەرەجەسى, مەرزىمدەرى وسى قاۋلىعا قوسىمشاعا سايكەس جاڭا رەداكتسيادا جازىلسىن. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 29 ساۋىردەگى № 418 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ 2009 جىلعى 25 جەلتوقسانداعى № 2190 قاۋلىسىمەن بەكىتىلگەن جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىلەرىن سالۋدىڭ تەحنيكالىق-ەكونوميكالىق نەگىزدەمەلەرى مەن جوبالارىن كەلىسۋ جانە بەكىتۋ قاعيدالارى, مەرزىمدەرى 1. جالپى ەرەجەلەر 1. وسى جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىنىڭ پايدالانۋ وبەكتىلەرىن سالۋدىڭ تەحنيكالىق-ەكونوميكالىق نەگىزدەمەلەرى مەن جوبالارىن كەلىسۋ جانە بەكىتۋ قاعيدالارى, مەرزىمدەرى (بۇدان ءارى - قاعيدالار) «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» 2009 جىلعى 4 شىلدەدەگى قازاقستان رەسپۋبليكاسىنىڭ زاڭى 5-بابىنىڭ 5) تارماقشاسىنا جانە قازاقستان رەسپۋبليكاسىنىڭ باسقا دا نورماتيۆتىك قۇقىقتىق اكتىلەرىنە سايكەس ازىرلەندى جانە جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىلەرىن سالۋدىڭ تەحنيكالىق-ەكونوميكالىق نەگىزدەمەلەرى مەن جوبالارىن كەلىسۋ جانە بەكىتۋ ءتارتىبىن, مەرزىمدەرىن بەلگىلەيدى. 2. وسى قاعيدالاردا مىناداي ۇعىمدار پايدالانىلادى: 1) جاڭارتىلاتىن ەنەرگيا كوزدەرىن پايدالانۋ وبەكتىسى - جاڭارتىلاتىن ەنەرگيا كوزدەرىن پايدالانا وتىرىپ, ەلەكتر جانە (نەمەسە) جىلۋ ەنەرگياسىن وندىرۋگە ارنالعان تەحنيكالىق قۇرىلعىلار جانە جاڭارتىلاتىن ەنەرگيا كوزدەرىن پايدالانۋ وبەكتىسىن يگەرۋ ءۇشىن تەحنولوگيالىق تۇرعىدان قاجەتتى جانە جاڭارتىلاتىن ەنەرگيا كوزدەرىن پايدالانۋ وبەكتىسى مەنشىك يەسىنىڭ تەڭگەرىمىندەگى, ولارمەن ءوزارا بايلانىستى قۇرىلىستار مەن ينفراقۇرىلىم; 2) تاپسىرىس بەرۋشى (ينۆەستور) - جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىسىن سالۋدى جۇزەگە اسىرۋ نيەتى بار جەكە نەمەسە زاڭدى تۇلعا; 3) جوبالاردىڭ مەملەكەتتىك ساراپتاماسى ء(بۇدان ءارى - مەمساراپتاما) - قازاقستان رەسپۋبليكاسى ۇكىمەتىنىڭ شەشىمى بويىنشا قۇرىلعان شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىن جۇزەگە اسىراتىن سالۋ جوبالارىن (جوبالاۋ الدىنداعى نەمەسە جوبالاۋ-سمەتالىق قۇجاتتاماسىن) مىندەتتى تۇردە كەشەندى باعالاۋ; 4) جىلۋ جەلىسى - جىلۋ ەنەرگياسىن بەرۋگە, تاراتۋعا ارنالعان قۇرىلعىلار جيىنتىعى. 3. وسى قاعيدالاردىڭ ارەكەتى رەسپۋبليكالىق نەمەسە جەرگىلىكتى بيۋدجەتتەردەن قارجىلاندىرىلاتىن جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىلەرىن سالۋ جوبالارىنا قولدانىلمايدى. 2. جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىلەرىن سالۋدىڭ تەحنيكالىق-ەكونوميكالىق نەگىزدەمەلەرىن كەلىسۋ جانە بەكىتۋ ءتارتىبى, مەرزىمدەرى 4. تاپسىرىس بەرۋشى (ينۆەستور) جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىسىن سالۋدىڭ تەحنيكالىق- ەكونوميكالىق نەگىزدەمەسىن (بۇدان ءارى - تەحنيكالىق-ەكونوميكالىق نەگىزدەمە) ازىرلەگەننەن كەيىن مىناداي كەزەڭدەردى قامتيتىن ونى كەلىسۋ ءراسىمىن جۇرگىزەدى: 1) تەحنيكالىق-ەكونوميكالىق نەگىزدەمەگە سانيتاريالىق- ەپيدەميولوگيالىق قىزمەت ورگاندارىنان حالىقتىڭ سانيتاريالىق- ەپيدەميولوگيالىق سالاۋاتتىلىعى سالاسىنداعى نورماتيۆتىك قۇقىقتىق اكتىلەرگە سايكەستىگى تۋرالى سانيتاريالىق-ەپيدەميولوگيالىق قورىتىندى الۋ; 2) تەحنيكالىق-ەكونوميكالىق نەگىزدەمەگە مەملەكەتتىك ەكولوگيالىق ساراپتاما وبەكتىسىنىڭ ساناتىنا بايلانىستى قورشاعان ورتانى قورعاۋ سالاسىنداعى ۋاكىلەتتى ورگاننان نەمەسە وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنان (بۇدان ءارى - جەرگىلىكتى اتقارۋشى ورگان) مەملەكەتتىك ەكولوگيالىق ساراپتامانىڭ وڭ قورىتىندىسىن الۋ; 3) تەحنيكالىق-ەكونوميكالىق نەگىزدەمەگە مەمساراپتامانىڭ وڭ قورىتىندىسىن الۋ. 5. تاپسىرىس بەرۋشىنىڭ (ينۆەستوردىڭ) تەحنيكالىق-ەكونوميكالىق نەگىزدەمەگە حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى نورماتيۆتىك قۇقىقتىق اكتىلەرگە سايكەستىگى تۋرالى سانيتاريالىق- ەپيدەميولوگيالىق قورىتىندىنى الۋى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسى 62-بابىنىڭ 2-تارماعىندا كوزدەلگەن تارتىپكە سايكەس جۇزەگە اسىرىلادى. 6. تاپسىرىس بەرۋشىنىڭ (ينۆەستوردىڭ) تەحنيكالىق-ەكونوميكالىق نەگىزدەمەگە مەملەكەتتىك ەكولوگيالىق ساراپتامانى الۋى 2007 جىلعى 9 قاڭتارداعى قازاقستان رەسپۋبليكاسىنىڭ ەكولوگيالىق كودەكسى 49-بابىنىڭ 2-تارماعىندا كوزدەلگەن تارتىپكە سايكەس جۇزەگە اسىرىلادى. 7. تاپسىرىس بەرۋشىنىڭ (ينۆەستوردىڭ) تەحنيكالىق-ەكونوميكالىق نەگىزدەمەگە مەمساراپتاما الۋى قازاقستان رەسپۋبليكاسى ۇكىمەتىنىڭ 2002 جىلعى 19 تامىزداعى № 918 قاۋلىسىمەن بەكىتىلگەن قارجىلاندىرۋ كوزدەرىنە قاراماستان قۇرىلىسقا ارنالعان جوبالاۋ الدىنداعى (تەحنيكا-ەكونوميكالىق نەگىزدەمەلەر) جانە جوبالاۋ (جوبالاۋ-سمەتالىق) قۇجاتتاماعا ساراپتاما جۇرگىزۋ, سونداي-اق مەملەكەتتىك ينۆەستيتسيالار ەسەبىنەن سالىنىپ جاتقان جوبالاردى بەكىتۋ ەرەجەسىنە سايكەس جۇزەگە اسىرىلادى. 8. تاپسىرىس بەرۋشى (ينۆەستور) تەحنيكالىق-ەكونوميكالىق نەگىزدەمەگە حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى نورماتيۆتىك قۇقىقتىق اكتىلەرگە سايكەستىگى تۋرالى سانيتاريالىق-ەپيدەميولوگيالىق قورىتىندىنى, تەحنيكالىق-ەكونوميكالىق نەگىزدەمەگە مەملەكەتتىك ەكولوگيالىق ساراپتامانىڭ وڭ قورىتىندىسىن جانە تەحنيكالىق-ەكونوميكالىق نەگىزدەمەگە مەمساراپتامانىڭ وڭ قورىتىندىسىن العاننان كەيىن كۇنتىزبەلىك وتىز كۇن ىشىندە تەحنيكالىق-ەكونوميكالىق نەگىزدەمەنى بەكىتەدى. 3. جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىلەرىن سالۋ جوباسىن كەلىسۋ جانە بەكىتۋ ءتارتىبى, مەرزىمدەرى 9. تاپسىرىس بەرۋشى (ينۆەستور) جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىسىن سالۋ جوباسىن (بۇدان ءارى - سالۋ جوباسى) ازىرلەگەننەن كەيىن مىناداي كەزەڭدەردى قامتيتىن ونى كەلىسۋ ءراسىمىن جۇرگىزەدى: 1) سالۋ جوباسىنا سانيتاريالىق-ەپيدەميولوگيالىق قىزمەت ورگاندارىنان حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى نورماتيۆتىك قۇقىقتىق اكتىلەرگە سايكەستىگى تۋرالى سانيتاريالىق- ەپيدەميولوگيالىق قورىتىندى الۋ; 2) سالۋ جوباسىنا مەملەكەتتىك ەكولوگيالىك ساراپتاما وبەكتىسىنىڭ ساناتىنا بايلانىستى قورشاعان ورتانى قورعاۋ سالاسىنداعى ۋاكىلەتتى ورگاننان نەمەسە جەرگىلىكتى اتقارۋشى ورگاننان مەملەكەتتىك ەكولوگيالىق ساراپتامانىڭ وڭ قورىتىندىسىن الۋ; 3) سالۋ جوباسىنا مەمساراپتامانىڭ وڭ قورىتىندىسىن الۋ; 4) سالۋ جوباسىن اۋماعىندا جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىسىن سالۋ جوسپارلاناتىن جەرگىلىكتى اتقارۋشى ورگانمەن كەلىسۋ. 10. تاپسىرىس بەرۋشىنىڭ (ينۆەستوردىڭ) سالۋ جوباسىنا حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى نورماتيۆتىك قۇقىقتىق اكتىلەرگە سايكەستىگى تۋرالى سانيتاريالىق-ەپيدەميولوگيالىق قورىتىندىنى الۋى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسى 62-بابىنىڭ 2-تارماعىندا كوزدەلگەن تارتىپكە سايكەس جۇزەگە اسىرىلادى. 11. تاپسىرىس بەرۋشىنىڭ (ينۆەستوردىڭ) سالۋ جوباسىنا مەملەكەتتىك ەكولوگيالىق ساراپتامانى الۋى 2007 جىلعى 9 قاڭتارداعى قازاقستان رەسپۋبليكاسىنىڭ ەكولوگيالىق كودەكسى 49-بابىنىڭ 2-تارماعىندا كوزدەلگەن تارتىپكە سايكەس جۇزەگە اسىرىلادى. 12. تاپسىرىس بەرۋشىنىڭ (ينۆەستوردىڭ) سالۋ جوباسىنا مەمساراپتاما الۋى قازاقستان رەسپۋبليكاسى ۇكىمەتىنىڭ 2002 جىلعى 19 تامىزداعى №918 قاۋلىسىمەن بەكىتىلگەن قارجىلاندىرۋ كوزدەرىنە قاراماستان قۇرىلىسقا ارنالعان جوبالاۋ الدىنداعى (تەحنيكا-ەكونوميكالىق نەگىزدەمەلەر) جانە جوبالاۋ (جوبالاۋ-سمەتالىق) قۇجاتتاماعا ساراپتاما جۇرگىزۋ, سونداي-اق مەملەكەتتىك ينۆەستيتسيالار ەسەبىنەن سالىنىپ جاتقان جوبالاردى بەكىتۋ ەرەجەسىنە سايكەس جۇزەگە اسىرىلادى. 13. تاپسىرىس بەرۋشى (ينۆەستور) سالۋ جوباسىن اۋماعىندا جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىسىن سالۋ جوسپارلاناتىن جەرگىلىكتى اتقارۋشى ورگانمەن كەلىسۋ ءۇشىن مىناداي قۇجاتتاردى قوسا بەرە وتىرىپ, سالۋ جوباسىن جەرگىلىكتى اتقارۋشى ورگانعا جىبەرەدى: 1) تاپسىرىس بەرۋشى (ينۆەستور) بەكىتكەن تەحنيكالىق-ەكونوميكالىق نەگىزدەمەنىڭ كوشىرمەسى; 2) جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىسىن سالۋعا جەر ۋچاسكەسىن بەرۋ تۋرالى جەرگىلىكتى اتقارۋشى ورگان شەشىمىنىڭ كوشىرمەسى; 3) جىلۋمەن جابدىقتاۋ ماقساتتارى ءۇشىن جاڭارتىلاتىن ەنەرگيا كوزدەرىن پايدالانۋ وبەكتىسىن ەنەرگيا تاراتۋشى ۇيىمنىڭ جىلۋ جەلىسىنە قوسۋ مۇمكىندىگىن راستايتىن قۇجاتتىڭ (حاتتىڭ) كوشىرمەسى; 4) سالۋ جوباسىنا حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى نورماتيۆتىك قۇقىقتىق اكتىلەرگە سايكەستىگى تۋرالى سانيتاريالىق-ەپيدەميولوگيالىق ساراپتاما قورىتىندىسى; 5) سالۋ جوباسىنا مەملەكەتتىك ەكولوگيالىق ساراپتامانىڭ وڭ قورىتىندىسى; 6) سالۋ جوباسىنا مەمساراپتامانىڭ وڭ قورىتىندىسى. 14. جەرگىلىكتى اتقارۋشى ورگان سالۋ جوباسىن العان كۇنىنەن باستاپ كۇنتىزبەلىك ون بەس كۇن ىشىندە قارايدى جانە كەلىسەدى. 15. تاپسىرىس بەرۋشى (ينۆەستور) سالۋ جوباسىن جەرگىلىكتى اتقارۋشى ورگانمەن كەلىسىلگەن كۇننەن كەيىن كۇنتىزبەلىك وتىز كۇن ىشىندە بەكىتەدى.